وزیر دفاع خواجہ آصف کا کہنا ہے کہ بھارت کی کسی بھی مہم جوئی کا اسی شدت اور تناسب سے جواب دیا جائے گا۔ انہوں نے واضح کیا کہ بھارت کو پاکستان کے ردعمل پر کوئی شک نہیں ہونا چاہیے۔ دوست ممالک اورخطے کی بڑی طاقتیں تناؤ میں کمی کیلئے کوشاں ہیں، پہلگام واقعے کی عالمی سطح پرغیرجانبدرانہ تحقیقات کی پیش کی، پاکستان کی پیشکش کا بھارت کی جانب سے کوئی جواب نہیں دیاگیا، بھارت کی خاموشی کامطلب ہےکہ دل میں کچھ کالا ہے۔
وزیر دفاع خواجہ آصف نے پارلیمنٹ ہاؤس کے باہر میڈیا سے گفتگو کرتے ہوئے کہا ہے کہ بھارتی حملے کو دیکھیں گے اگر خلاف ورزی ہوتی ہے تو ہم نے ردعمل دینا ہے، جس طرح کا بھارت کا عمل ہوگا اسی طرح کا رد عمل دیا جائے گا، کسی کو کچھ شک نہیں ہونا چاہیے بھارت کو بھرپور جواب دیں گے۔
خواجہ آصف نے کہا کہ جیسے جیسے وقت گزر رہا ہے حملے کے خطرات بڑھ رہے ہیں، پڑوسی ممالک بھی ثالثی کا کردار ادا کر رہے ہیں، دوست ممالک چاہتے ہیں کہ جنگ کی صورتحال نہ بنے، اللہ کرے ان ممالک کی کوششوں سے بھارت کو کچھ عقل آئے۔ وزیراعظم شہباز شریف نے واضح کیا ہے کہ اس معاملے کی عالمی سطح پر تحقیقات کروائی جائیں۔
انھوں نے کہا کہ عالمی تحقیقات کے مطالبے پر بھارت نے کوئی جواب نہیں دیا، اس کا مطلب ہے دال میں کچھ کالا ہے۔ بھارت میں بی جے پی حکومت کو جب بھی ووٹوں کی ضرورت ہوتی ہے، وہ پاکستان کو کسی نہ کسی مسئلے میں شامل کرتا ہے، ہماری طرف سے جنگ کا اغاز نہیں ہوگا، لیکن اگر جنگ مسلط کی تو بھرپور جواب دیں گے۔