پاک بھارت کشیدگی کے حوالے سے سکولوں کی چھٹیوں میں اضافے بارے وائرل ہونیوالا نوٹیفکیشن جعلی قرار دے دیا گیا۔ وزیر اطلاعات پنجاب عظمیٰ بخاری نے کہا کہ سکولز کی چھٹیوں میں اضافے کا فی الحال فیصلہ نہیں ہوا۔
پنجاب میں پاک بھارت کشیدگی کے تناظر میں سوشل میڈیا پر وائرل ہونے والا اسکولوں کی چھٹیوں میں اضافے کا نوٹیفکیشن جعلی نکلا۔
وزیر اطلاعات پنجاب عظمیٰ بخاری نے وضاحت کی ہے کہ اسکولز کی چھٹیوں میں اضافے کا فی الحال کوئی فیصلہ نہیں ہوا۔
عظمٰی پخاری نے کہا کہ سوشل میڈیا پر پھیلایا جانے والا نوٹیفکیشن جعلی ہے اور عوام ایسے افواہوں پر کان نہ دھریں۔
انہوں نے مزید کہا کہ پنجاب میں اسکولز کی تعطیلات سے متعلق کوئی بھی فیصلہ زمینی صورتحال کو مدنظر رکھتے ہوئے کیا جائے گا۔