وفاقی وزیر اطلاعات عطاء اللہ تارڑ نے اپنے بیان میں کہا ہے کہ بھارت کی جانب سے ایف 16 اور جے ایف 17 لڑاکا طیاروں کو مار گرانے کے بارے میں بے بنیاد اور جھوٹے دعوے کیے جا رہے ہیں۔ جھوٹی اور من گھڑت کہانیاں آپ کو کہیں نہیں ملیں گی، ایسے جھوٹے دعوے صرف بھارت کی مایوسی کی عکاسی کرتے ہیں۔
وفاقی وزیر اطلاعات عطا اللہ تارڑ نے سماجی رابطے کی ویب سائٹ ایکس (سابقہ ٹوئٹر) پر بیان میں کہا ہے کہ بھارت کی جانب سے ایف 16 اور جے ایف 17 لڑاکا طیاروں کو مار گرانے کے بارے میں بے بنیاد اور جھوٹے دعوے کیے جا رہے ہیں۔
عطا تارڑ نے کہا کہ جھوٹی اور من گھڑت کہانیاں آپ کو کہیں نہیں ملیں گی، ایسے جھوٹے دعوے صرف بھارت کی مایوسی کی عکاسی کرتے ہیں۔
مقبوضہ کشمیر پر حملے سے متعلق بھارتی میڈیا کی خبریں جھوٹ پر مبنی ہیں، سیکیورٹی ذرائع
سیکیورٹی ذرائع نے بھی بھارتی میڈیا کے فیک نیوز پر مبنی دعوے کو مسترد کرتے ہوئے کہا کہ پاکستانی ایف 16 گرانے کی خبر سفید جھوٹ اور فیک نیوز ہے۔
ایل او سی پر بھارت کے 50 کے قریب فوجی مارے، دنیا یاد رکھے گی، عطا تارڑ
سیکیورٹی ذرائع کا کہنا ہے کہ آج ہیروپ ڈرون حملوں کی ناکامی کے بعد بھارت مزید بوکھلاہٹ کا شکار ہو چکا ہے، اِسی گھبراہٹ میں بھارت اب راجستھان، پٹھان کوٹ اور مقبوضہ کشمیر میں ڈراما رچا کر پاکستان کے خلاف اگلی جارحیت کا جواز بنانا چاہتا ہے۔