لاہور میں بھارتی سرویلنس ڈرون کی پاکستانی حدود میں دراندازی کی کوشش ناکام بنا دی گئی۔ رینجرز اور مقامی شہریوں نے بروقت فائرنگ کرتے ہوئے ڈرون کو واپس بھاگنے پر مجبور کر دیا۔ واقعے کی ویڈیو منظر عام پر آ گئی ہے، عوام نے افواج پاکستان سے یکجہتی کا اظہار کیا۔
تفصیلات کے مطابق لاہور میں بھارتی سرویلنس ڈرون کی پاکستانی حدود میں داخلے کی کوشش ناکام بنا دی گئی۔
بیدیاں روڈ کے قریب بھارتی ڈرون پاکستانی فضائی حدود میں داخل ہونے کی کوشش کر رہا تھا کہ رینجرز اور مقامی شہریوں نے بروقت فائرنگ کرتے ہوئے دشمن کے ڈرون کو پسپا ہونے پر مجبور کر دیا۔
ذرائع کے مطابق، جیسے ہی ڈرون نظر آیا، رینجرز اہلکاروں اور شہریوں نے فوری طور پر فائرنگ شروع کر دی، جس سے بھارتی ڈرون کو بھاگنے پر مجبور ہونا پڑا۔
واقعے کی فوٹیج بھی منظرِ عام پر آ گئی ہے، جس میں بھارتی ڈرون کو نشانے پر لیتے ہوئے دیکھا جا سکتا ہے۔
واقعے کے بعد شہریوں نے پاک فوج اور رینجرز کے ساتھ مکمل یکجہتی کا اظہار کرتے ہوئے کہا ہے کہ وہ ہر قسم کی بھارتی جارحیت اور سازش کے خلاف افواجِ پاکستان کے شانہ بشانہ کھڑے ہیں۔
عوام کا کہنا ہے کہ وہ دشمن کے کسی بھی ناپاک ارادے کو کامیاب نہیں ہونے دیں گے۔