عالمی شہرت یافتہ فٹبالر کرسٹیانو رونالڈو نے ایک اور ریکارڈ اپنے نام کر لیا، امریکی جریدے فوربز کی تازہ فہرست کے مطابق رونالڈو مسلسل تیسرے سال دنیا کے سب سے زیادہ کمائی کرنے والے ایتھلیٹ قرار پائے۔
فوربز کے مطابق سعودی کلب النصر جوائن کرنے کے بعد رونالڈو کی مجموعی سالانہ آمدنی 275 ملین ڈالر تک پہنچ گئی ہے، جن میں 160 ملین ڈالر کھیل کے معاہدوں سے جبکہ 115 ملین ڈالر اشتہارات اور دیگر کاروباری سرگرمیوں سے حاصل کیے گئے۔
کرسٹیانو رونالڈو نے فلمی دنیا میں قدم رکھنے کا اعلان کردیا
اس فہرست میں امریکی باسکٹ بال اسٹار اسٹیفن کری 156 ملین ڈالر کے ساتھ دوسرے، اور برطانوی باکسر ٹائسن فیوری 146 ملین ڈالر کے ساتھ تیسرے نمبر پر ہیں۔
ایک اور حیران کن تبدیلی یہ ہوئی کہ ارجنٹائن کے عالمی کپ فاتح کپتان لائنل میسی جو پہلے سرفہرست رہ چکے ہیں، اس بار پانچویں نمبر پر چلے گئے ہیں۔
2024 میں سب سے زیادہ کمائی کرنیوالوں میں کونسا کھلاڑی پہلے نمبر پر رہا؟ فہرست جاری
رونالڈو کی مسلسل اعلیٰ کارکردگی اور میدان کے باہر ان کی کمرشل ویلیو نے انہیں نہ صرف کھیل کا لیجنڈ بلکہ کاروباری دنیا کا بھی بڑا نام بنا دیا ہے۔