پاکستان تحریک انصاف (پی ٹی آئی) کے بانی چیئرمین عمران خان اور ان کی اہلیہ بشریٰ بی بی کے خلاف توشہ خانہ 2 کیس کی سماعت کل اڈیالہ جیل میں ہوگی۔
اڈیالہ جیل میں توشہ خانہ ٹو کیس کی سماعت کل 10 بجے ہوگی، کیس کی سماعت جج شاہ رخ ارجمند سپیشل جج سینٹرل اسلام آباد کریں گے۔
عدالتی عملے کی جانب سے عمران خان کی لیگل ٹیم کو آگاہ کر دیا گیا جبکہ عمران خان اور بشری بی بی کو کمرہ عدالت پیش کیا جائے گا۔
یاد رہے کہ سابق وزیراعظم عمران خان کے خلاف توشہ خانہ 2 کیس کی آخری جیل سماعت فروری میں ہوئی تھی۔