امریکی صدر ڈونلڈ ٹرمپ نے پاک بھارت تنازعے میں جنگ بندی کے حوالے سے اہم بیان دیا ہے، کہا پاکستان اور بھارت کے درمیان جنگ روکنے میں ان کا کردار بہت بڑا تھا۔
امریکی صدر ڈونلڈ نے وائٹ ہاؤس میں میڈیا سے گفتگو میں کہا کہ ”میرے خیال سے جنگ روکنے پر پوری ریپبلکن پارٹی کو کریڈٹ دینا چاہیے۔ میں نے تجارت کے ذریعے پاکستان اور بھارت کے درمیان جنگ روک دی، دونوں ممالک نے میری بات کو سمجھا۔“
پہلی ترجیح امریکا ہے، اپنے ملک کو مضبوط اور طاقتور بنانا ہے، ڈونلڈ ٹرمپ
ڈونلڈ ٹرمپ نے ایک موقع پر کہا کہ اگر دونوں ملکوں کے درمیان دوبارہ جنگ ہوتی ہے تو امریکا ان ملکوں کے ساتھ کسی قسم کی تجارت نہیں کرے گا۔
صدر ٹرمپ نے ایران کے ساتھ قریبی معاہدے کی بات کرتے ہوئے کہا کہ ”ہم ایران کے ساتھ معاہدے کے بہت قریب تھے اور میں واقعی ایران کے ساتھ جوہری معاہدہ کرنا چاہتا ہوں۔“
ڈونلڈ ٹرمپ طیارے کی سیڑھیاں چڑھتے ہوئے لڑکھڑا گئے
انہوں نے الیکٹرک گاڑیوں کے حوالے سے ایلون مسک کی تعریف بھی کی اور کہا، ”مجھے ٹیسلا بہت پسند ہے اور ایلون مسک مجھے پسند کرتے ہیں۔ میں الیکٹرک گاڑیوں کے حوالے سے ان سے بات کرنا چاہتا ہوں۔“