ترکیہ کے شہر استنبول کے میئر اکریم امام اوغلو کو مبینہ بدعنوانی اور شدت پسندی میں ملوث ہونے پر گرفتار کرلیا۔
رپورٹ کے مطابق ترک حکام نے میئر سمیت دیگر 100 ملزمان کی گرفتاری کے وارنٹ جاری کر دیے ہیں۔
حراست میں لیے گئے افراد میں امام اوغلو کے قریبی معاون بھی شامل ہیں، استنبول میں شہریوں کا احتجاج شروع ہوا، مظاہرین نے اقدام کو جمہوریت پر سوالیہ نشان قرار دیا۔
ترک صدر کا ٹرمپ سے ٹیلیفونک رابطہ، روس یوکرین جنگ خاتمے کیلئے امریکی اقدامات کی حمایت
رپورٹ کے مطابق پولیس فورسز نے اکرم امام اوغلو کے گھر کی تلاشی لی، اس گرفتاری کے بعد ترک حکام نے استنبول میں متعدد سڑکیں بند کر دی ہیں اور انٹرنیٹ سروس بھی معطل کردی، اور چار دن کے لیے شہر میں مظاہروں پر بھی پابندی عائد کر دی ہے۔
گذشتہ روز ترکیہ کی یونیورسٹی نے کہا تھا کہ انہوں نے اپنی یونیورسٹی کی ڈگری جعلی طور پر حاصل کی، استنبول کے میئر اکریم اوغلو نے اپنی ڈگری کے منسوخ کیے جانے کو غیر قانونی قرار دیا۔