جب موسم گرم ہوتا ہے، تو زیادہ تر لوگ ٹھنڈے شاور لینے کی کوشش کرتے ہیں تاکہ وہ اپنے جسم کو ٹھنڈا اور سکون دہ محسوس کر سکیں۔ یہ فوری سکون دہ محسوس ہونے والا عمل دراصل آپ کے جسم کے درجہ حرارت کو کم کرنے کے بجائے اسے مزید مسائل میں ڈال سکتا ہے۔
ہمارا جسم عام طور پر 37 سینٹی گریڈ پر کام کرتا ہے، جس سے تمام جسمانی نظام صحیح طریقے سے چلتے ہیں۔ جب ہمارے جسم کی حرارت 38-40 سینٹی گریڈ تک پہنچتی ہے تو دماغ کا درجہ حرارت کنٹرول کرنے والا مرکز خون کی نالیوں اور پٹھوں کو سگنل بھیجتا ہے تاکہ وہ حرارت کو کم کرنے کی کوشش کریں۔
وزن کم کرنے کے بعد دوبارہ موٹاپا؟ صرف قوتِ ارادی نہیں، بلکہ جسمانی خلیوں کا کھیل بھی
اس عمل میں جسم پسینہ خارج کرتا ہے، خون کی نالیاں پھیلتی ہیں، اور جسم کے اندرونی حصوں سے حرارت سطح تک پہنچ کر باہر نکلنے لگتی ہے۔
اس عمل کے ذریعے ہمارا جسم حرارت کو کم کرنے کی کوشش کرتا ہے تاکہ ہمارا اندرونی درجہ حرارت 37 سینٹی گریڈ کے قریب رہ سکے۔
کیا کمبل سے ایک پاؤں باہر نکالنا بہتر نیند میں مددگار ثابت ہو سکتا ہے؟
اگر یہ حرارت زیادہ دیر تک برقرار رہے تو اعضا کو نقصان پہنچنے کا خطرہ ہوتا ہے۔ یہی وجہ ہے کہ ہمیں کسی بھی صورت میں اپنے جسم کے درجہ حرارت کو بڑھنے سے روکنا چاہیے۔
جب آپ بہت زیادہ گرم موسم میں ٹھنڈے پانی سے شاور لیتے ہیں، تو جلد پر موجود خون کی نالیاں اچانک سکڑنا شروع ہو جاتی ہیں۔ خون کی گردش کم ہو جاتی ہے، جس کا مطلب یہ ہے کہ جسم کے اندرونی حصوں سے حرارت کو نکالنے کا عمل رک جاتا ہے۔ نتیجتاً، جسم اپنی حرارت برقرار رکھتا ہے اور اندرونی حصے زیادہ گرم ہو سکتے ہیں۔
خود کے دشمن نہ بنیں دن کا آغاز صحت مند ناشتہ سے کریں
اس کے علاوہ، جب آپ 15سینٹی گریڈ تک ٹھنڈے پانی میں غوطہ لگاتے ہیں، تو ”کولڈ شاک ریسپانس“ شروع ہو سکتا ہے۔ اس میں خون کی نالیوں میں اچانک سکڑاؤ آتا ہے، خون کا دباؤ بڑھ جاتا ہے، اور دل کو اضافی دباؤ محسوس ہوتا ہے۔ یہ خصوصاً دل کی بیماریوں میں مبتلا افراد کے لیے انتہائی خطرناک ہو سکتا ہے کیونکہ یہ دل کے دورے یا دل کی دھڑکن میں بے ترتیبی کا باعث بن سکتا ہے۔
گرمی کے موسم میں ہمیں زیادہ پسینہ آتا ہےاور یہ پسینہ جلد پر موجود گندگی اور بیکٹیریا کے ساتھ مل کر بدن کی بدبو کا باعث بنتا ہے۔
ٹھنڈے پانی سے شاور لینے سے یہ گندگی اور بیکٹیریا مکمل طور پر صاف نہیں ہو پاتے۔ اس کے بجائے، نیم گرم یا معمولی ٹھنڈے پانی سے شاور لینے سے جلد کے مسامات کھل جاتے ہیں اور گندگی اور بیکٹیریا کو صاف کرنا زیادہ آسان ہو جاتا ہے۔
گرم موسم میں سرد شاور سے گریز کرنا بہتر ہوتا ہے۔ اس کی بجائے نیم گرم یا معمولی ٹھنڈے پانی سے شاور کرنا بہترین انتخاب ہے۔ نیم گرم پانی سے آپ کا جسم اپنی حرارت کو بہتر طریقے سے نکال پائے گا اور آپ کی جلد بھی صاف اور تازہ رہے گی۔
یہ بھی ضروری ہے کہ آپ پانی کے درجہ حرارت کو یکدم سرد یا بہت گرم نہ کریں۔ اگر آپ کو سردی محسوس ہو رہی ہے تو پانی کے درجہ حرارت کو آہستہ آہستہ کم کریں تاکہ آپ کے جسم کو کوئی نقصان نہ ہو اور اس کی قدرتی درجہ حرارت کو بہتر طریقے سے کنٹرول کیا جا سکے۔
لہذا، ٹھنڈے شاور لینے کی بجائے، نیم گرم یا معمولی ٹھنڈے پانی سے شاور لینا آپ کی صحت کے لیے بہتر ہے۔ یہ نہ صرف آپ کے جسم کے درجہ حرارت کو بہتر طریقے سے کم کرے گا بلکہ آپ کی جلد کی صفائی اور صحت کو بھی بہتر بنائے گا۔
ٹھنڈے پانی سے بچنا آپ کو جلد کی مختلف مسائل سے بچا سکتا ہے جیسے کہ دانے، ایکنی، اور جلد کا خشک ہونا۔
اس لیے اگلی بار جب آپ شدید گرمی میں شاور لینے کا سوچیں تو پانی کا درجہ حرارت آہستہ آہستہ کم کریں تاکہ آپ کا جسم بھی محفوظ رہے اور آپ گرمی سے نجات بھی حاصل کر سکیں۔