مدعی کی ٹوائلٹ میں بیٹھ کر عدالت میں آن لائن حاضری نے جج سمیت سب کو حیران کر دیا۔ واقعے کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق 20 جون کو بھارتی جج جسٹس نرزار ایس دیشائی کی عدالت میں ایک شخص کا ورچوئل سماعت کے دوران ٹوائلٹ سے آن لائن آنا سوشل میڈیا پر تیزی سے وائرل ہو گیا۔ یہ واقعہ قانونی پلیٹ فارم بار اینڈ بینچ کی جانب سے ویڈیو شیئر کیے جانے کے بعد توجہ کا مرکز بنا۔
رپورٹ کے مطابق ویڈیو میں نظر آنے والے شخص کا نام سماد بیٹری بتایا گیا تھا، جو ابتدا میں صرف اپنے گلے میں بلوٹوتھ ایئر فونز کے ساتھ کلوز اپ فریم میں دکھائی دیا۔ کچھ ہی لمحوں بعد اس نے کیمرہ اینگل تبدیل کیا اور یہ منظر سامنے آیا کہ وہ ٹوائلٹ میں بیٹھا ہے۔
بندروں نے بھارتی سپریم کورٹ پر دھاوا بول دیا، وکلا کے لنچ باکس غائب
بار اینڈ بینچ کے مطابق عدالت کے ریکارڈز میں اس شخص کی شناخت اصل مدعی کے طور پر ہوئی، جو ایک ایف آئی آر کے خارج کرنے سے متعلق کیس میں شامل تھا۔ سماعت کے دوران وہ ایک مدعا علیہ کے طور پر پیش ہوا۔ عدالت کو دونوں فریقین کی جانب سے دوستانہ سمجھوتے کی اطلاع دی گئی جس کے بعد ایف آئی آر کو خارج کر دیا گیا۔
’شربت جہاد‘ پر بھارتی عدالت کا بابا رام دیو کو طمانچہ
ویڈیو میں مذکورہ شخص کو سوشل میڈیا صارفین کی جانب سے تنقید کا نشانہ بھی بنایا گیا۔ اور اسے عدالتی آداب کی کھلی خلاف ورزی قرار دیا۔