سعودی عرب کے وزیر دفاع شہزادہ خالد بن سلمان اور ایرانی فوجی سربراہ میجر جنرل عبد الرحیم موسوی نے اتوار کے روز پہلی بار براہِ راست فون پر بات چیت کی۔
عالمی میڈیا کے مطابق دونوں رہنماؤں کے درمیان ہونے والے ٹیلیفونک رابطے کے دوران دفاعی شعبے میں دوطرفہ تعلقات کا جائزہ لیا گیا۔
دونوں رہنماؤں نے خطے کی صورتحال میں ہونے والی تازہ پیشرفت اور امن و استحکام کو برقرار رکھنے کی کوششوں پر تبادلہ خیال کیا ہے۔
ایران کے مسلح افواج کے سربراہ میجر جنرل عبدالرحیم موسوی نے سعودی عرب کے وزیر دفاع شہزادہ خالد بن سلمان سے فون پر بات چیت کرتے ہوئے اسرائیل کی جانب سے جنگ بندی کے وعدوں پر گہرا شکوک و شبہات کا اظہار کیا ہے۔
ایران کے مسلح افواج کے سربراہ میجر جنرل عبدالرحیم موسوی کہا ہمیں اسرائیل کے وعدوں پر شک ہے، اگر اسرائیل نے جارحیت کو دہرایا تودوبارہ سخت جواب دینے کے لیے تیار ہیں۔