وزیراعلیٰ پنجاب مریم نواز نے لاہور میں شیر کے حملے میں زخمی بچوں اور خاتون کے لیے 5،5 لاکھ روپے امداد کا اعلان کردیا۔
تفصیلات کے مطابق وزیراعلیٰ پنجاب مریم نواز شریف نے لاہور کے علاقے جوہر ٹاؤن میں فارم ہاؤس سے باہر نکلنے والے شیر کے حملے میں زخمی ہونے والے بچوں اور خاتون کے لیے 5،5 لاکھ روپے کی امداد کا اعلان کیا ہے۔
واضح رہے کہ 4 روز قبل 3 جولائی کو لاہور کے علاقے جوہرٹاؤن میں واقع فارم ہاؤس سے فرار ہونے والے شیر نے فیملی پر حملہ کردیا تھا جس کے نتیجے میں 2 بچے اور خاتون زخمی ہوگئے تھے۔
پولیس کے مطابق فارم ہاؤس میں رکھے شیر کا جنگلا کھلا رہ گیا تھا جس سے نکل کر شیر نے فیملی پر حملہ کیا، زخمیوں کو طبی امداد کے لیے جناح اسپتال منتقل کردیا گیا تھا جن میں سے دو بچوں کی حالت تشویشناک بتائی گئی تھی۔
وزیراعلیٰ پنجاب مریم نواز نے کا کہنا تھا کہ پنجاب میں کسی بھی مقام پر غیر قانونی طور پر جنگلی حیات رکھنے کی اجازت نہیں ہے۔
وزیر اعلی کی ہدایت پر پنجاب بھر میں غیر قانونی شیر رکھنے والے افراد کے خلاف کریک ڈاؤن کیا گیا، لاہور اور گوجرانوالہ سمیت 22 مقامات پر چھاپے، 8 غیر قانونی طور پر رکھے گئے شیر برآمد کرلیے گئے جبکہ بنا لائسنس شیر پالنے پر 5 افراد کو گرفتار کرلیا گیا۔
وزیراعلی کی ہدایت پر جنگلی جانور رکھنے والوں کی رجسٹریشن کے لئے خصوصی ایپ کا اجرا کیا گیا، وائلڈ لائف ایپ پر 584 جنگلی شیروں کی رجسٹریشن کروائی گئی۔
وزیراعلیٰ پنجاب کا اسپتالوں میں ریڈ اینڈ بلیو کوڈ ایمرجنسی سسٹم نافذ کرنے کا حکم
وزیراعلیٰ پنجاب مریم نواز نے اسپتالوں میں ریڈ اینڈ بلیو کوڈ ایمرجنسی سسٹم نافذ کرنے کا حکم دیتے ہوئے اسے 2 روز کے اندر فعال کرنے کی ہدایت کردی جبکہ سی ایم ہیلتھ ویجیلنس اسکواڈ کے قیام کا اصولی فیصلہ بھی کر لیا، جو اسپتالوں میں وزیراعلیٰ کے احکامات پر عملدرآمد کا جائزہ لے گا۔
وزیراعلی پنجاب مریم نواز کی زیر صدارت اہم اجلاس ہوا، جس میں پرائمری اینڈ سکینڈری ہیلتھ میں بہتری کے لئے اہم فیصلے کیے گئے۔
مریم نواز نے سرکاری اسپتالو ں میں 2 روز کے اندر ریڈ اور بلیو کوڈ ایمرجنسی سسٹم نافذ کرنے کی ہدایت جاری کردی، ڈاکٹروں کو ریڈ اور بلیو کوڈ سسٹم کی ریہرسل او رٹریننگ کرانے کی ہدایت کی گئی۔
اجلاس میں سی ایم ہیلتھ ویجیلنس اسکواڈ کے قیام کا اصولی فیصلہ کرلیا گیا، سی ایم ہیلتھ ویجیلنس اسکواڈ اسپتال کا وزٹ کر کے وزیراعلیٰ کے احکامات پر عملدرآمد کا جائزہ لے گا، ہارٹ کنسلٹنٹ اور سرجنز ہفتے میں 2مرتبہ ڈسٹرکٹ اسپتالوں میں جاکر خدمات سرانجام دیں گے۔
دوسری جانب دریائے سندھ میں طغیانی کا وزیر اعلیٰ پنجاب مریم نواز نے نوٹس لے لیا اورمتعلقہ اداروں کو ہائی الرٹ رہنے کا حکم دے دیا۔