بھارتی ریاست گجرات کے علاقے میں ایک 40 سال پرانے پُل کا ایک حصہ گرنے سے گاڑیاں دریا میں جاگریں، جس کے نتیجے میں کم از کم 10 افراد ہلاک ہو گئے، جبکہ متعدد افراد اب تک لاپتا ہیں۔
بھارتی میڈیا کے مطابق حادثہ اُس وقت پیش آیا جب پُل سے متعدد گاڑیاں گزر رہی تھیں کہ اچانک اس کا ایک حصہ منہدم ہو گیا اور کئی گاڑیاں تیزی سے بہتے دریا میں جا گریں۔ اب تک صرف تین افراد کو زندہ بچایا جا سکا ہے، جبکہ امدادی کارروائیاں تاحال جاری ہیں۔
رہائشیوں کا کہنا ہے کہ یہ پُل عرصہ دراز سے خستہ حالی کا شکار تھا، اور متعدد بار مرمت کی درخواستیں حکام کو دی گئیں، مگر کوئی کارروائی نہ کی گئی۔
ریسکیو ٹیمیں، غوطہ خور اور مقامی رضاکار دریا میں لاپتا افراد کی تلاش میں مصروف ہیں۔