نائب وزیراعظم اسحاق ڈار نے ازبکستان کے وزیرخارجہ بختیار سیدوف سے ٹیلی فونک رابطہ کیا، جس میں دونوں رہنماؤں نے ازبکستان، افغانستان اور پاکستان ریلوے منصوبے پر گفتگو کی۔
تفصیلات کے مطابق اتوار کے روز نائب وزیراعظم اور وزیرخارجہ اسحاق ڈار اور ازبکستان کے وزیرخارجہ بختیار سیدوف کے درمیان ٹیلی فونک رابطہ ہوا۔
دونوں رہنماؤں نے ازبکستان، افغانستان اور پاکستان ریلوے منصوبے پر گفتگو کی، اس منصوبے کے فریم ورک ایگریمنٹ پر تبادلہ خیال کیا گیا۔
دونوں رہنماؤں نے چین کے شہر تیانجن میں ہونے والے ایس سی او وزرائے خارجہ کے اجلاس کے موقع پر دوبارہ ملاقات پر بھی اتفاق کیا۔
یاد رہے کہ نائب وزیراعظم اسحاق ڈار کل چین پہنچیں گے، جہاں وہ ایس سی او وزرائے خارجہ اجلاس میں شرکت کریں گے۔