ایرانی صحافی نے دعویٰ کیا ہے کہ اسرائیل نے ایران کے خلاف جنگ میں جادو ٹونے اور جنات کی مدد لی۔
میڈیا رپورٹس کے مطابق ایرانی صحافی عبد اللہ گنجی نے یہ دعویٰ سوشل میڈیا اکاؤنٹ ایکس (سابقہ ٹوئٹر) پر کیا۔
ایکس پر ایران کی پاسدارانِ انقلاب سے وابستہ اخبار جوان کے سابق ایڈیٹر عبد اللہ گنجی نے ٹوئٹ کی کہ اسرائیل نے ایران کے ساتھ جنگ کے دوران جادو اور مافوق الفطرت ارواح کا سہارا لیا۔
انہوں نے اپنی پوسٹ میں کہا کہ تہران کی سڑکوں پر یہودیوں کے کاغذ کے کچھ ٹکڑے (تعویذ) ملے تھے۔ غزہ جنگ کے پہلے سال بھی نیتن یاہو جادوگروں کے پاس بھٹکتے تھے۔
ایران میں دشمن ریاستوں اور گروہوں کی جاسوسی پر سزائے موت کی قرارداد منظور
بعد ازاں عبد اللہ گنجی کی ٹوئٹ پر موساد فارسی نامی آفیشل اکاؤنٹ سے ردعمل کا اظہار کرتے ہوئے جواباََ ٹوئٹ میں کہا گیا کہ منشیات کا استعمال اور جنات سے گفتگو کسی ملک کے سربراہ کیلئے مناسب نہیں ہے۔