کراچی کے علاقے کورنگی زمان ٹاؤن میں گھر میں گھسنے والے ڈاکو نے پولیس کے نرغے میں آنے پرگولی مار کر خودکشی کرلی۔ پولیس مقابلے کی ویڈیو آج نیوز کو موصول ہوگئی۔
ویڈیو میں دیکھا جاسکتا ہے کہ پولیس اہلکاروں نے ڈاکو کو گھیرنے کے لیے آس پاس کے گھروں کی چھتوں پر بھی پوزیشن لے لی تھی ملزم اپنے سر پر پستول رکھ کر اپنے آپ کو مارنے کی دھمکی دیتا رہا۔
پولیس اہلکار نے ملزم کو بات چیت کرکے اسلحہ رکھنے کے لیے قائل کرتے رہے، کہا کہ ایک سال جیل چلے جاؤ گرفتاری دیدو لیکن ملزم نے بات نہ مانی ملزم نے کئی مرتبہ فائر کرنے کی کوشش کی لیکن یوں محسوس ہوا کہ اس کی پستول چل نہیں سکی۔
پولیس کے مطابق ملزم بار بار فائر کرتا رہا اور ایک موقع پر گولی چل گئی جس سے ملزم موقع پر ہلاک ہوگیا ہلاک ملزم کی شناخت علی کے نام سے کی گئی جبکہ گرفتار ملزم ریحان ہے۔
پولیس حکام کے مطابق ملزمان اس سے قبل بھی متعدد وارداتیں کرچکے ہیں کریمنل ریکارڈ بھی موجود ہے۔
پولیس نے واقعے کا مقدمہ درج کرکے مزید تحقیقات کا آغاز کردیا گیا ہے۔