مری سالگراں جی روڈ پر سڑک کا بڑا حصہ لینڈ سلائیڈنگ کی زد میں آ گیا، ڈی سی مری اور ڈی پی او کی گاڑی بھی لینڈسلائیڈنگ کی زد میں آئی، پتھرلگنے سے ڈپٹی کمشنرکا پاؤں زخمی ہوگیا۔
سالگراں کے قریب مری جی ٹی روڈ پر شدید لینڈ سلائیڈنگ کے باعث سڑک کا ایک بڑا حصہ متاثر ہو گیا، جس کے نتیجے میں ڈپٹی کمشنر مری اور ڈی پی او کی سرکاری گاڑی بھی لینڈسلائیڈنگ کی زد میں آگئی۔
ذرائع کے مطابق لینڈ سلائیڈنگ کے دوران ایک بڑا پتھر ڈی سی مری کی گاڑی سے ٹکرایا، جس کے نتیجے میں ڈپٹی کمشنر کا پاؤں زخمی ہوگیا۔
جی ٹی روڈ کو ہر قسم کی ٹریفک کے لیے بند کر دیا گیا ہے۔
واضح رہے کہ محکمہ موسمیات نے مزید بارشوں کی پیشگوئی کرتے ہوئے شہریوں کو پہاڑی علاقوں میں سفر سے گریز کرنے کی ہدایت کی ہے۔ لینڈسلائیڈنگ کے خطرے کے پیش نظر قریبی علاقوں میں ایمرجنسی الرٹ جاری کر دیا گیا ہے۔