انڈر 19 ون ڈے کرکٹ کی تاریخ میں جنوبی افریقا کے نوجوان بیٹر نے اہم سنگ میل عبور کرلیا۔
رپورٹ کے مطابق نوجوان جنوبی افریقی بلے باز جورچ وین شالک وک نے یوتھ ون ڈے انٹرنیشنل کی پہلی ڈبل سنچری اسکور کر کے نئی تاریخ رقم کر دی۔
18 سالہ اوپننگ بیٹر نے یہ اہم ریکارڈ زمبابوے انڈر 19 ٹیم کے خلاف ہرارے میں جاری سہ ملکی سیریز کے افتتاحی میچ میں بنایا، جہاں انہوں نے محض 153 گیندوں پر 215 رنز کی بہترین اننگز کھیلی۔ بیٹر کی جارہانہ اننگز میں 19 چوکے اور 6 چھکے شامل تھے۔
ایشیا کپ 2025 کے آغاز کی تاریخ سامنے آگئی، میچز کہاں کھیلے جائیں گے؟
انڈر 19 فارمیٹ میں یہ کسی بھی بیٹر کی پہلی ڈبل سنچری ہے، جب کہ اس سے قبل سب سے بڑا انفرادی اسکور 191 رنز تھا، جو سری لنکا کے بیٹر ہسیتھا بویاگوڈا نے 2018 میں بنایا تھا۔
جورچ وین کی تاریخی اننگز کی بدولت جنوبی افریقی انڈر 19 ٹیم نے مقررہ اوورز میں 385 رنز بنا کر زمبابوے کو بڑا ہدف دیا، مگر زمبابوے کی ٹیم صرف 107 رنز پر 25 ویں اوور میں آل آؤٹ ہو گئی۔
قومی ٹیم کے ہیڈ کوچ مائیک ہیسن نے ٹی ٹوئنٹی سیریز میں شکست کا ملبہ پچ پر ڈال دیا
یوں جنوبی افریقی انڈر 19 ٹیم نے یہ میچ 278 رنز کے بڑے اسکور سے جیت کر نہ صرف سیریز کا فاتحانہ آغاز کیا بلکہ جورچ وین کی شاندار اننگز کرکٹ کی یوتھ سطح پر ایک یادگار لمحے کے طور پر تاریخ کا حصہ بن گئی۔