امریکی یوٹیوبر مسٹر بیسٹ، جنہیں ان کی حیران کن ویڈیوز اور بے مثال سخاوت کی وجہ سے دنیا بھر میں جانا جاتا ہے، نے 14 اگست کو انسانیت کی خدمت کا نیا باب رقم کیا۔
بھارتی میڈیا کے مطابق مسٹر بیسٹ نے مشہور اسٹریمرز ایڈن روس اور xQc کے ساتھ مل کر ”کک“ پلیٹ فارم پر ایک طویل لائیو اسٹریم کی میزبانی کی، جو پندرہ گھنٹے سے زیادہ جاری رہی۔
بل گیٹس نے انٹرویوز میں پوچھے جانے والے سوالات کے بہترین جوابات بتا دیے
اس دوران ”ٹین واٹر“ نامی عالمی فلاحی منصوبے کے لیے 12.02 ملین امریکی ڈالر جمع کیے گئے۔ یہ کارنامہ نہ صرف لاکھوں ضرورت مند افراد کی زندگیوں میں تبدیلی کا باعث بنا بلکہ ایک نیا گنیز ورلڈ ریکارڈ بھی قائم ہوا، جو اس سے قبل 2021 میں Z Event نے 11.97 ملین ڈالر جمع کر کے بنایا تھا۔
مسٹر بیسٹ نے اس تاریخی لمحے پر خوشی کا اظہار کرتے ہوئے کہا،”اس اسٹریم کی بدولت بے شمار زندگیاں بدلنے جا رہی ہیں۔“
بھارتی یوٹیوبر ایلویش یادو کے گھر پر حملہ آوروں نے اندھا دھند گولیاں برسا دیں
غیر ملکی ذرائع ابلاغ کے مطابق بڑی رقوم دینے والوں میں بی لوو الیکٹرولائٹ، فِن بیگز کک کے شریک بانی ایڈ کریون، بیجان طہرانی، سوشل میڈیا انفلوئنسر صوفی رین، اور اسٹریمر ٹرین ریکٹس ٹی ویشامل تھے، جن میں سے ہرایک نے کم از کم ایک ملین ڈالر کا عطیہ دیا۔ اس کے علاوہ ڈانا وائٹ، مائیکل روبن، برائن چیسکی، گیری وی، اور کیسی واسر مین جیسے نامور شخصیات نے بھی فیاضی کا مظاہرہ کیا۔
اس لائیو اسٹریم میں دلچسپ اور سنسنی خیز سرگرمیاں شامل تھیں جیسے لائی ڈیٹیکٹر ٹیسٹ، سانپوں سے چیلنجز، بال کاٹنے کے سیشنز، اور یہاں تک کہ تیل میں کشتی۔ یہ سب کچھ دیکھنے والوں کو اسکرین سے جوڑے رکھنے میں مددگار ثابت ہوا، اور اسی جوش و جذبے نے چندہ جمع کرنے کی تاریخ رقم کر دی۔
جہاں تک مسٹر بیسٹ کا تعلق ہے، ان کا اصل نام جمی ڈونلڈسن ہے اور وہ اس وقت دنیا کے سب سے بڑے یوٹیوبر کے طور پر جانے جاتے ہیں۔
ان کے یوٹیوب چینل کے سبسکرائبرز کی تعداد 422 ملین سے تجاوز کر چکی ہے اور ان کی ویڈیوز عام طور پر کروڑوں میں دیکھی جاتی ہیں، جن میں بعض کی ویوز کی تعداد 500 ملین سے بھی زیادہ ہے۔
یوٹیوب کے علاوہ، وہ اپنی فاسٹ فوڈ چین اور دیگر کاروباری منصوبوں کے ذریعے بھی اپنے اثر و رسوخ کو بڑھا رہے ہیں۔ جون 2025 میں وہ پہلے انفرادی کریئیٹر بنے جنہوں نے 400 ملین سبسکرائبرز کا سنگ میل عبور کیا اور وہ تھریڈز پر ایک ملین فالوورز حاصل کرنے والے بھی پہلے شخص بنے۔