بھارت کے مشہور و معروف پلے بیک سنگر سونُو نِگم نے اپنے کیریئر کی ابتدائی کامیابی کا کریڈیٹ پاکستانی لوک گائیک عطا اللہ عیسیٰ خیلوی کودے دیا۔
سونُو نِگم، جن کی آواز کی وسعت، جذباتی ادائیگی اور ورسٹائلٹی کے باعث ”جدید محمد رفیع“ کہا جاتا ہے، حال ہی میں ایک انٹرویو میں پاکستانی لوک گائیک عطا اللہ عیسیٰ خیلوی کے لیے گہرے احترام، محبت اور شکریے کا اظہار کرتے نظر آئے۔
گووندا، سنیتا آہوجا میں طلاق کی خبروں کی تردید
معروف صحافی فریدون شہریار کو دیے گئے ایک انٹرویو میں انہوں نے انکشاف کیا کہ ان کے گلوکاری کے سفر کی شروعات عطا اللہ عیسیٰ خیلوی کے شہرہ آفاق گانے ”اچھا صلہ دیا تُو نے میرے پیار کا“ سے ہوئی تھی، جو ان کی زندگی اور کیریئر کا ٹڑننگ پوائنٹ ثابت ہوا۔
سونُو نِگم نے انٹرویو میں کہا، یقیناً، عطا اللہ صاحب انتہائی اچھے اور پیار کرنے والے انسان ہیں اور میری زندگی میں ان کی بہت اہمیت ہے۔ جب میرا کیریئر شروع ہوا، تو انہوں نے مجھے خود فون کیا اور کہا، ’مسٹر سونُو، میں عطا اللہ عیسیٰ خیلوی ہوں پاکستان سے، اور میں بس یہ کہنا چاہتا ہوں کہ آپ نے یہ گانا بہت خوبصورتی سے گایا۔‘
شاہ رخ خان کا جذباتی لمحہ: بیٹے آریان خان کو پہلی بار فلمی دنیا میں متعارف کرایا
انیہوں نے مزید کہا، اُس وقت میری عمر صرف اُنیس سال تھی۔ میں ان کی آواز سن کر حیران رہ گیا کہ اتنی بڑی شخصیت اور ایک نئے آنے والے سنگر سے اتنی اپنائیت سے بات کر رہے تھے جو میرے لیے کسی اعزاز سے کم نہیں تھا۔
ان کا کہنا تھا کہ ، میں ہمیشہ ایسے لیجنڈز کا شکر گذار رہتا ہوں جنہوں نے میرے سفر میں مدد کی اور جن کا میرے کیریئر کی کامیابی میں بڑا حصہ رہا۔ میں خود کو ان سب کا مقروض سمجھتا ہوں۔
سونُو نِگم نے عطا اللہ عیسیٰ خیلوی کے فن کی تعریف کرتے ہوئے کہا،”اُن کے گانوں میں جو درد اور سچائی ہے، وہ دل کو چھو لیتی ہے۔ میری موسیقی کے سفر پر ان کے فن کا گہرا اثر رہا ہے۔ اُن کی سادگی، خلوص اور آواز کی گہرائی نے ہمیشہ مجھے متاثر کیا۔ ”اچھا صلہ“ میرے کیریئر کا ٹرننگ پوائنٹ تھا۔ ایک ایسا گانا جو بھارت کے ہر گھر میں سنا گیا۔“
سونُو نِگم کا شمار بھارت کے کامیاب ترین گلوکاروں میں ہوتا ہے۔ انہوں نے نہ صرف فلمی موسیقی میں بلکہ لائیو کنسرٹس، بھجن، غزلوں اور مختلف زبانوں میں بھی اپنی آواز کا جادو جگایا ہے۔