امریکا کی ٹرمپ انتظامیہ نے یوکرین کو 179 ملین ڈالرکے فضائی دفاعی نظام کی فروخت کی منظوری دے دی۔
بین الاقوامی خبر رساں ادارے رائٹرز کی رپورٹ کے مطابق امریکی محکمہ خارجہ کی جانب سے اس بات کی تصدیق کرتے ہوئے کہا گیا ہے کہ یوکرین کو پیٹریاٹ ائیرڈیفنس سسٹم کی ممکنہ فروخت کی منظوری دی گئی ہے۔
امریکی محکمہ خارجہ کا کہنا ہے کہ پیٹریاٹ ائیرڈیفنس سسٹم کی لاگت کا تخمینہ 179ملین ڈالر ہے۔
یار رہے کہ جمعرات کو امریکا نے یوکرین کو فضائی کروز میزائلز اور متعلقہ آلات کی 825 ملین ڈالر مالیت کی فروخت کی بھی منظوری دی تھی۔ یہ تمام اقدامات امریکا اور یورپی اتحادیوں کے اس معاہدے کا حصہ ہیں جس کے تحت یورپی حکومتیں یوکرین کے لیے امریکی ہتھیاروں کی ادائیگی کریں گی۔
اسٹار لنک سروسز یوکرین کی جنگی مواصلات خصوصاً ڈرونز کے کنٹرول میں مرکزی حیثیت رکھتی ہیں، جبکہ پیٹریاٹ سسٹمز نے روسی بیلسٹک میزائلوں کو تباہ کرنے میں مؤثر کردار ادا کیا ہے۔
اگرچہ محکمہ خارجہ کی جانب سے منظوری دے دی گئی ہے، تاہم ابھی تک یہ سودے حتمی معاہدے یا مذاکرات کی تکمیل کی ضمانت نہیں ہیں۔