تیسرے ٹی ٹوئنٹی میں جنوبی افریقا نے پاکستان کو جیت کیلئے 140 رنز کا ہدف دے دیا۔
لاہور میں کھیلے جا رہے میچ میں پاکستان کے کپتان سلمان علی آغا نے ٹاس جیت کر مہمان ٹیم کو بیٹنگ کی دعوت دی۔
پاکستان کی پلیئنگ الیون میں 2 تبدیلیاں کی گئی ہیں، نسیم شاہ اور ابرار احمد کو باہر کیا گیا جبکہ ان کی جگہ شاہین آفریدی اور عثمان طارق شامل ہیں۔
عثمان طارق ڈیبیو کررہے ہیں، شاہین شاہ آفریدی نے عثمان طارق کو ڈیبیو کیپ دی جبکہ ساتھی کھلاڑیوں نے عثمان طارق کے لیے نیک خواہشات کا اظہار کیا۔ جنوبی افریقا کی پلیئنگ الیون میں تین تبدیلیاں ہوئی ہیں۔
پاکستانی ٹیم کی جانب شاندار بالنگ کا مظاہرہ کرتے ہوئے شاہین آفریدی نے 3 وکٹیں، فہیم اشرف، عثمان طارق نے دو، دو وکٹیں حاصل کیں۔ سلمان مرزا اور محمد نواز نے ایک، ایک وکٹ حاصل کی۔
خیال رہے کہ 3 ٹی ٹوئنٹی میچز کی سیریز ایک ایک سے برابر ہے۔