معروف اینکر کرن ناز کا کہنا ہے کہ تحریک انصاف اگر خود تحریک چلائے گی تو یہ سولو فلائٹ ہوگی، جس طرح سے پاکستان تحریک انصاف پہلے کرتی آئی ہے۔
آج نیوز کے پروگرام روبرو میں پی ٹی آئی کی تحریک کی تیاریوں کے حوالے سے میزبان شوکت پراچہ نے سوال کیا کہ یہ تحریک چلے گی یا یہ احتجاج ہوگا نہیں ہوگا، جس پر معروف اینکر کرن ناز نے کہا کہ تحریک انصاف اگر خود تحریک چلائے گی تو یہ سولو فلائٹ ہوگی، جس طرح سے پاکستان تحریک انصاف پہلے کرتی آئی ہے کیوں کہ اس فلائٹ میں جے یو آئی ف نہیں ہوگی، شاہد خاقان عباسی کی عوام پاکستان پارٹی اس میں نہیں ہوگی۔
کرن ناز نے گفتگو کرتے ہوئے کہا کہ شاید ایس آئی سی سے حامد رضا وہ اس کا حصہ ہیں، محمود اچکزئی اس کا حصہ ہیں اورعلامہ ناصرعباس یہ وہ چہرے ہیں جو پی ٹی آئی کے آن اِن آف اسٹیج پر نظر آ رہے ہوں گے، کیوں کہ اب علی امین گنڈا پورکا وہ قد پاکستان تحریک انصاف میں رہا نہیں کہ وہ چیزوں کو لیڈ کر رہے ہیں، تو اس وجہ سے یہ والے وہ چہرے ہمیں نظر آ رہے ہوں گے۔
انھوں نے گفتگو کرتے ہوئے مزید کہا کہ ایک بات کی جا رہی تھی کہ پی ٹی آئی احتجاج کو لے کر چلے گی جس میں یہ سارے لوگ موجود ہوں گے تو وہ نہیں ہوں گے اس کی اہم وجہ یہ ہے کہ مولانا فضل الرحمان کا ایک بڑا تنازع جو ایک بڑا ایشو ہے اور پاکستان میں سیاست اسی طرح سے ہوتی ہے کہ جو لیڈر ہوتے ہیں وہ اچھی اچھی اور پیاری پاری باتیں کرتے ہیں اور جو نیچے موجود لوگ ہوتے ہیں وہ بڑا کھل کر اپنا ظہار کر رہے ہوتے ہیں۔
کرن ناز نے کہا کہ یہی چیز ہمیں واضح طور پر نظر آ رہی ہے کہ مرکز میں جو گڈی گڈی سارے ہو رہے ہیں، لیکن ایک پوزیشن لی ہوئی ہے جیسے گورنر پنجاب وہ بڑا کھل کر اپنے ووٹرز کو بھی لبھا رہے ہوتے ہیں اور بڑا کھل کر بتا رہے ہوتے ہیں کہ مسلم لیگ ن کے ساتھ ہمارا اس طرح کا کوئی تعلق نہیں تو اسی طرح سے یہاں پر بھی ہے۔
انھوں نے مزید کہا کہ جہاں مولانا فضل الرحمان حکومت کو کہیں کہیں آنکھیں دکھا رہے ہوتے ہیں وہاں کامران مرتضٰی صاحب اور دیگر لوگ ہیں وہ بڑا واضح طور پر بتا رہے ہوتے ہیں کہ آپ فارم 47 کی حکومت باقی تمام صوبوں میں کہتے ہیں تو ہمارا اعتراض یہی ہے کہ آپ کی حکومت کے پی کے میں فارم 47 کی ہے تو اگر دھاندلی کے معاملات لے کر چلیں گے تو پہلے وہاں پر تو دیکھیں کہ ہمارا مینڈیٹ چوری کر کے آپ کے حصے میں ڈالا گیا ہے۔
معروف اینکر نے کہا کہ اتنا آسان نہیں ہے، ایک اور بات یاد دلا دوں کہ فیصل واوڈا صاحب بڑے خاموش ہیں لیکن انھوں نے آج سے چھ ماہ پہلے غالبا میرے علاوہ بھی اور دیگر پروگرامز میں یہ بات کہی ہوگی لیکن میرے پروگرام میں کہا کہ مولانا فضل الرحمان صاحب کی کچھ فائلز موجود ہیں اٹلی اور ترکی کے حوالے سے۔
کرن ناز کا کہنا تھا کہ فیصل واوڈا نے کہا تھا کہ اگر بہت زیادہ چیزیں ہو رہی ہوں گی جو کہ نہیں ہو رہی ہوں گی اگر وہ اس طرح کی چیزوں کی طرف جائیں گے تو انھیں فائلز دکھا دی جائیں گی تو اس لیے ان دونوں باتوں کی وجہ سے عید کے بعد پی ٹی آئی کی سولو فلائٹ شاید ہو سکتی ہو اس کے بھی بہت کم امکانات ہیں۔