ملک میں غیر قانونی طور پر مقیم غیر ملکیوں کی واپسی کا سلسلہ جاری ہے۔ امیگریشن ذرائع کے مطابق خیبر کے طورخم بارڈر کے راستے 152 افراد پر مشتمل 10 افغان خاندان افغانستان واپس چلے گئے۔
ذرائع کے مطابق ان افغان خاندانوں میں 32 مرد، 37 خواتین، 39 بچے اور 44 بچیاں شامل ہیں۔ یہ تمام افراد پنجاب اور خیبر پختونخوا کے مختلف علاقوں میں رہائش پذیر تھے۔
وزارت داخلہ نے 24 کے قریب برٹش پاکستانیوں کے شناختی کارڈ اور پاسپورٹ بحال کر دیے
امیگریشن حکام کے مطابق حکومتی پالیسی کے تحت غیر قانونی طور پر مقیم افراد کی مرحلہ وار واپسی کا عمل جاری ہے، تاکہ ملکی سیکیورٹی اور انتظامی ڈھانچے پر پڑنے والے اضافی دباؤ کو کم کیا جا سکے۔
مزید افغان خاندانوں کی واپسی آئندہ دنوں میں متوقع ہے۔
کراچی اور اسلام آباد سے 150 سے زائد افراد کیمپ منتقل
گزشتہ روز اسلام آباد سے پچاس سے زائد جبکہ کراچی سے ڈیڑھ سو زائد افراد کو تحویل میں لے کر کیمپ منتقل کیا گیا۔
ذرائع کے مطابق پولیس ٹیمیں مختلف علاقوں میں آپریشن کررہی ہیں، افغان سیٹیزن کارڈ کے حامل افراد کو افغانستان بھجوایا جائے گا۔