سعودی عرب کے شہزادہ عبداللہ بن فہد بن عبداللہ بن عبدالعزیز بن مساعد بن جلوی آل سعود انتقال کر گئے ہیں۔
ایوانِ شاہی کی جانب سے جاری اعلامیے میں تصدیق کی گئی کہ شہزادہ عبداللہ کا انتقال بیرونِ ملک ہوا۔
سعودی میڈیا کے مطابق شہزادہ عبداللہ کی نمازِ جنازہ منگل کو ریاض کی جامع مسجد امام ترکی بن عبداللہ میں عصر کی نماز کے بعد ادا کی گئی، جس میں ریاض ریجن کے گورنر سمیت دیگر اہم شخصیات نے شرکت کی۔
ایوانِ شاہی نے مرحوم کے لیے دعا کرتے ہوئے اللہ تعالیٰ سے رحمت، مغفرت اور بلندیِ درجات کی درخواست کی ہے۔