انگلینڈ کی وائٹ بال کرکٹ ٹیم سری لنکا کے دورے پر کولمبو پہنچ گئی جہاں میزبان بورڈ کی جانب سے مہمان ٹیم کا روایتی انداز میں پرتپاک استقبال کیا گیا۔ ٹیم کی آمد پر مقامی ثقافت کی جھلک بھی دکھائی دی جبکہ کھلاڑیوں نے دورے کے آغاز پر اعتماد کا اظہار کیا۔
انگلینڈ اور سری لنکا کے درمیان وائٹ بال کرکٹ سیریز کے تین ون ڈے اور تین ٹی 20 میچز کھیلے جائیں گے۔ سیریز کا آغاز 22 جنوری سے ہوگا جبکہ دوسرا ون ڈے 24 اور تیسرا ون ڈے 27 جنوری کو کھیلا جائے گا۔
View this post on Instagram
ٹی 20 سیریز کا آغاز 30 جنوری سے ہوگا جس کا دوسرا میچ یکم فروری اور تیسرا 3 فروری کو پالی کیلے میں شیڈول ہے۔ دونوں ٹیمیں اس سیریز کو آنے والے اہم ایونٹس کی تیاری کے طور پر دیکھ رہی ہیں جس کے باعث شائقین کو سخت اور دلچسپ مقابلوں کی توقع ہے۔