صحافی ربیعہ احسن قتل کیس، ملزم احسن طاہر جوڈیشل ریمانڈ پر جیل منتقل

راولپنڈی میں خاتون صحافی ربیعہ احسن کے قتل کیس میں عدالت نے ملزم احسن طاہر کو جوڈیشل ریمانڈ پر جیل بھیج دیا۔

پولیس نے 9 روزہ جسمانی ریمانڈ مکمل ہونے پر ملزم کو عدالت میں پیش کیا اور مزید جسمانی ریمانڈ کی استدعا کے بجائے جوڈیشل ریمانڈ کی درخواست کی۔

پولیس نے ملزم احسن طاہر کو سینئر سول جج نصراللہ وٹو کی عدالت میں پیش کیا اور استدعا کی کہ ملزم کو جوڈیشل ریمانڈ پر جیل بھیجا جائے۔

پولیس کے مطابق جسمانی ریمانڈ کے دوران ملزم کے ڈی این اے اور پولی گراف ٹیسٹ کرائے گئے۔ ملزم کا پولی گراف ٹیسٹ مکمل ہوچکا ہے، تاہم اس کی رپورٹ آنا باقی ہے۔

عدالت نے پولیس کی استدعا منظور کرتے ہوئے ملزم احسن طاہر کو جوڈیشل ریمانڈ پر جیل بھیجنے کا حکم دے دیا۔

Related posts