کراچی والوں کو محکمہ موسمیات نے سردی کی نوید سنا دی

کراچی میں آج موسم خشک اور رات کے وقت خنک رہنے کا امکان ہے جبکہ زیادہ سے زیادہ درجہ حرارت 32 سے 34 ڈگری سینٹی گریڈ تک رہنے کی پیشگوئی کی گئی ہے۔

محکمہ موسمیات کے مطابق شہر کا موجودہ درجہ حرارت 22 ڈگری سینٹی گریڈ ریکارڈ کیا گیا ہے، جبکہ کم سے کم درجہ حرارت 19 ڈگری سینٹی گریڈ رہا۔

شہرِ قائد میں ہوا میں نمی کا تناسب 29 فیصد ہے اور شمال شمال مغرب سے 7 کلومیٹر فی گھنٹہ کی رفتار سے ہوائیں چل رہی ہیں۔

محکمہ موسمیات کا کہنا ہے کہ دن کے اوقات میں موسم خشک رہنے کا امکان ہے جبکہ رات میں خنکی محسوس کی جا سکتی ہے۔

Related posts