کینیڈا کی حکمران جماعت لبرل پارٹی کی جانب سے منتخب کیے جانے والے رہنما مارک کارنے نئے وزیراعظم کے عہدے کا حلف اٹھا لیا۔
کینیڈین لبرل پارٹی نے اتوارکو بینک آف کینیڈا کے سابق گورنر مارک کارنے کو پارٹی رہنما منتخب کیا تھا۔ مارک کارنی کینیڈا کے دو مرکزی بینکوں کی قیادت کا تجربہ رکھتے ہیں۔
عالمی میڈیا کے مطبق مارک کارنی نے جمعے کو کینیڈا کے 24ویں وزیراعظم کے طور پر حلف اٹھا لیا ہے۔
مارک کارنے کینیڈا کے نئے وزیراعظم منتخب، پہلی ہی تقریر میں ٹرمپ کو بڑا پیغام دیدیا
مارک کار نے وزارت عظمیٰ ایک ایسے وقت میں سنبھال رہے ہیں جب کینیڈا، امریکا کے ساتھ کشیدہ تعلقات اور صدر ڈونلڈ ٹرمپ کے دوبارہ اقتدار میں آنے کے بعد پیدا ہونے والے بحران سے نبرد آزما ہے۔
حکمران جماعت لبرل پارٹی نے جسٹن ٹروڈو کی جگہ مارک کارنی کی وزارت عظمیٰ کی حمایت اس امید کے ساتھ کی ہے کہ وہ ملک کو ممکنہ تجارتی جنگ کے اثرات سے بچا سکیں گے۔
حکمران جماعت لبرل پارٹی نے جسٹن ٹروڈو کی جگہ مارک کارنی کی وزارت عظمیٰ کی حمایت اس امید کے ساتھ کی ہے کہ وہ ملک کو ممکنہ تجارتی جنگ کے اثرات سے بچا سکیں گے۔
کینیڈا کے وزیر اعظم ٹروڈو کو بڑا دھچکا، لبرل پارٹی اہم سیٹ ہارگئی
مارک کارنی نے حلف برادری سے قبل صحافیوں سے بات چیت کرتے ہوئے کہا کہ وہ فوراً کام کا آغاز کریں گے اور حلف برداری کی تقریب کے بعد کابینہ کا اجلاس منعقد کیا جائے گا۔
رپورٹ کے مطابق نومنتخب وزیراعظم آئندہ ہفتے اپنے پہلے غیرملکی دورے پر یورپ جائیں گے۔
اتوار کو اپنی 60ویں سالگرہ منانے والے مارک کارنی سیاست میں بالکل نئے ہیں۔
کینیڈین وزیراعظم مستعفی کیوں ہوئے؟ ٹرمپ نے حیران کن وجہ بتا دی
انہوں نے کبھی کسی عوامی الیکشن میں حصہ نہیں لیا، لیکن جلد ہی ان کی قائدانہ صلاحیتوں کا امتحان بھی لیا جائے گا کیونکہ کینیڈا میں عام انتخابات بھی قریب ہیں۔ اس الیکشن میں نومنتخب وزی اعظم کے لیے سب سے بڑا چیلنج ڈونلڈ ٹرمپ کی دھمکیاں ہوں گی۔
صدر ٹرمپ نے کینیڈا پر بھاری درآمدی محصولات عائد کر دیے ہیں اور مزید پابندیوں کی دھمکی بھی دی ہے۔
انہوں نے یہاں تک دعویٰ کیا ہے کہ ’کینیڈا بطور ملک مزید قابلِ عمل نہیں اور اسے امریکا میں ضم کر دینا چاہیے۔
حلف برداری کی تقریب میں مارک کارنی نے ٹرمپ کی پالیسیوں کو کینیڈا کی اس نسل کے لیے سب سے بڑا چیلنج قرار دیا ہے۔