مدرسے میں پھٹی ہوئی ٹوپی پہننے پر 10 سالہ طالبعلم پر بہیمانہ تشدد کرنے والے معلم کو گرفتار کرلیا گیا۔
پولیس کے مطابق راولپنڈی کے تھانہ صدر بیرونی نے فوری کارروائی کرتے ہوئے 10 سالہ طالب علم پر تشدد کرنے والا معلم گرفتار کرلیا۔
مدعی مقدمہ ے بتایا کہ مدرسے کے معلم نے سر پر پھٹی ہوئی ٹوپی پہنے کی وجہ سے میرے بیٹے پر پلاسٹک کے پائپ سے تشدد کیا اور حبس بے جا میں رکھا۔ بعد ازاں درخواست پر پولیس نے واقعے کا مقدمہ درج کرکے معلم کو حراست میں لے لیا۔
پولیس حکام کا کہناہے کہ متاثرہ طالب علم کا میڈیکل پراسس کروایا گیا ہے۔ بچوں پر تشدد کسی صورت قابل قبول نہیں۔ بچے اس قوم کا مستقبل ہیں، جن کی حفاظت ہم سب کی ذمہ داری ہے۔