بلوچستان کے علاقے نوشکی سے نامعلوم مسلح افراد نے سڑک کی تعمیر کرنے والے 4 مزدوروں کو اغوا کرلیا۔
لیویز ذرائع کے مطابق نوشکی کے علاقے البت سے نامعلوم مسلح افراد نے سڑک کی تعمیر کام کرنے والے 4 مزدوروں کو اغوا کرلیا۔
لیویز ذرائع نے بتایا کہ مسلح افراد نے تعمیراتی مشینری پر بھی فائرنگ کی جس سے مشینری کو معمولی نقصان پہنچا، مزدور نوشکی خاران شاہراہ پر کام کررہے تھے۔
لیویز ذرائع نے مزید بتایا کہ مغویوں میں سے 3 مزدور پشتون جبکہ ایک کا تعلق مستونگ سے ہے، واقعے کے بعد سیکیورٹی فورسز نے علاقے سے اغوا ہونے والے مزدور وں کی تلاش شروع کردی۔