روسی صدر ولادیمیر پیوٹن کے اقتدار کو بچانے کے لیے ایک نیا وائرس بنائے جانے کا دعویٰ سامنے آیا ہے جس نے دنیا بھر کے لوگوں کو تشویش میں متبلا کردیا۔
غیر ملکی میڈیا رپورٹس کے مطابق روس نے مبینہ طور پر ایک نیا عالمی وبائی وائرس تیار کر لیا ہے، جسے ولادیمیر پیوٹن (یا ان کے ہم شکل) کو اقتدار میں برقرار رکھنے کے لیے استعمال کرنے کا منصوبہ بنایا جا رہا ہے۔
ڈیلی اسٹار کی رپورٹ کے مطابق یہ حیران کن دعویٰ روسی سوشل میڈیا پلیٹ فارم ٹیلی گرام پر موجود ایک چینل ”جنرل ایس وی آر“ (General SVR) نے کیا ہے، جو ماضی میں بھی کریملن اور پیوٹن سے متعلق کئی متنازع بیانات دے چکا ہے۔
رپورٹ کے مطابق چینل جو خود کو ”کریملن کا ذرائع“ بتاتا ہے، نے اس سے قبل دعویٰ کیا تھا کہ ولادیمیر پیوٹن دل کا دورہ پڑنے سے چل بسے، اور ان کی لاش ان کے والدای پیلس میں ایک فریزر میں محفوظ ہے۔
روسی صدر کے خفیہ بچے کہاں ہیں؟ پیوٹن کی فیملی کے حوالے سے ہوشرُبا انکشافات
روسی ایپ پر موجود چینل کا دعویٰ ہے کہ اس وقت روس کو پیوٹن کا ہمشکل چلا رہا ہے جو ”پولیٹ بیورو“ نامی ایک گروپ کا سربراہ ہے۔
نیا وائرس اور عالمی وبا کا منصوبہ
جنرل ایس وی آر کے حالیہ دعوے کے مطابق، روسی حکومت میں شامل ”فوجی سوچ رکھنے والے عناصر“ (hawks) ایک ممکنہ سیاسی بحران سے نمٹنے کے لیے مختلف منصوبے بنا رہے ہیں، جن میں ایک نیا وائرس بھی شامل ہے۔ اس وائرس کو عالمی ادارہ صحت (WHO) کے ذریعے نئی عالمی وبا قرار دلوایا جائے گا تاکہ دنیا کی توجہ ہٹائی جا سکے اور روس کے اندرونی بحران پر قابو پایا جا سکے۔
گولیاں چلانا بند کرو، ٹرمپ کی روسی صدر کو معاہدے کی پیشکش
رپورٹ کے مطابق یہ بھی دعویٰ کیا گیا ہے کہ یہ وائرس روسی سائنسدانوں نے تیار کیا ہے اور کورونا وبا کے پھیلاؤ اور تیاری میں کی گئی غلطیوں کو مدِنظر رکھتے ہوئے اس کی تفصیلی جانچ بھی مکمل کی گئی ہے۔
یہ بھی دعویٰ کیا گیا ہے کہ اس وائرس کی ویکسین بھی تیار ہو چکی ہے اور وہ تمام مراحل میں کامیاب رہی ہے۔ ویکسین کی پیداوار کے لیے تیاریاں مکمل ہیں اور کسی بھی وقت اس کی تیاری شروع کی جا سکتی ہے۔
یہ دعویٰ آزاد ذرائع سے تصدیق شدہ نہیں ہے، اور روسی حکومت کی جانب سے بھی اس پر تاحال کوئی ردعمل سامنے نہیں آیا۔