بھارت کی جانب سے حملے کے بعد وزیراعلیٰ پنجاب مریم نواز نے صوبے بھر میں ہنگامی حالت نافذ کرنے کا اعلان کر دیا ہے، جس کے تحت تمام سرکاری اداروں کو الرٹ کر دیا گیا ہے۔
حکومتی اعلامیے کے مطابق پنجاب بھر کے تمام تعلیمی ادارے آج بند رہیں گے۔ شہری دفاع سمیت تمام متعلقہ اداروں کے افسران اور عملے کو فوری طور پر طلب کر لیا گیا ہے۔
تمام اسپتالوں میں ڈاکٹروں اور طبی عملے کی چھٹیاں منسوخ کر دی گئی ہیں تاکہ کسی بھی ہنگامی صورتحال میں فوری طبی امداد فراہم کی جا سکے۔
پنجاب پولیس سمیت تمام سیکیورٹی ادارے بھی ہائی الرٹ پر رکھے گئے ہیں، اور صورتحال پر مسلسل نظر رکھی جا رہی ہے۔