ابھرتی ہوئی پاکستانی اداکارہ عیناآصف نے حال ہی میں ایک یوٹیوب شو میں شرکت کی، جہاں انہوں نے اپنے وائرل ہونے والے بیان کی وضاحت پیش کی جو انہوں نے ذہنی صحت، خاص طور پر ڈپریشن، کے بارے میں دیا تھا۔
عیناآصف، جنہیں مائی ری، بے بی باجی، ہم تم، پنجرا اور پہلی سی محبت جیسے کامیاب ڈراموں سے شہرت ملی، نے اپنے حالیہ انٹرویو میں کہا کہ ان کا مقصد کبھی کسی کو تکلیف دینا نہیں تھا بلکہ وہ ایک حساس موضوع پر ذاتی نقطہ نظر شیئر کر رہی تھیں۔
ثانیہ سعید نے پہلی بار طلاق پر خاموشی توڑدی
اداکارہ نے کہا،
”ہم عام طور پر ان موضوعات پر بات کرتے ہیں جن سے ہم خود کو جڑا ہوا محسوس کرتے ہیں، اور میں نے بھی میزبان کے زیرِ بحث موضوع سے خود کو متعلق پایا۔ لیکن مجھے لگتا ہے کہ میں اپنی بات کو بہتر انداز میں بیان کر سکتی تھی۔“
انہوں نے مزید وضاحت دیتے ہوئے کہا کہ پاکستان میں آج بھی ذہنی صحت، خاص طور پر ڈپریشن اور تھراپی، پر بات کرنا ایک ممنوع موضوع سمجھا جاتا ہے، جس کے باعث متاثرہ افراد کو شرمندگی اور تنقید کا سامنا کرنا پڑتا ہے۔
’مرنے میں دو گھنٹے رہ گئے، حیا کریں‘، بشریٰ انصاری جاوید اختر پر پھٹ پڑیں
عیناآصف نے کہا،
”جب کوئی آپ سے کہتا ہے کہ ڈپریشن کا مطلب ہے کہ آپ کا اللہ پر ایمان کمزور ہے، تو یہ بات بہت تکلیف دہ ہوتی ہے۔ ہمیں یہ سمجھنے کی ضرورت ہے کہ دعا اور علاج دونوں ساتھ ساتھ چل سکتے ہیں۔ روزمرہ کی زندگی میں ذہنی صحت کے مسائل کو سنجیدگی سے لینا چاہیے۔“
اداکارہ اس وقت جڑواں اور پرورش جیسے ڈراموں میں اپنی جاندار اداکاری کی وجہ سے داد سمیٹ رہی ہیں، اور ساتھ ہی تعلیم پر بھی توجہ دے رہی ہیں۔