بھارت کے اسٹار بیٹر ویرات کوہلی نے فیملیز پروٹوکولز سے متعلق بی سی سی آئی (بھارتی بورڈ) کو آڑے ہاتھوں لے لیا۔
میڈیا رپورٹ کے مطابق ویرات کوہلی نے کہا کہ ہر کھلاڑی چاہتا ہے کہ اس کی فیملی اس کے ساتھ ہو، کوئی بھی اکیلا بیٹھنا نہیں چاہے گا، دورانِ ٹور ناقص کارکردگی کے بعد آپ اکیلے بیٹھ کر رنجیدہ نہیں ہوسکتے۔
ویرات کوہلی کا کہنا تھا کہ میں نارمل رہنا چاہتا ہوں پھر آپ اپنی گیم پر کام کروں گا، آپ کسی بھی کھلاڑی سے پوچھیں گے کہ کیا فیملی آپ کے ساتھ ہو تو وہ لازمی ہاں میں جواب دے گا۔
ویرات کوہلی نے میچ جیتنے کے بعد فون اٹھا کر سب سے پہلے کیا کیا؟
بھارت اسٹار بیٹر نے کہا کہ میں اپنی فیملی کے ساتھ گزارنے کا کوئی بھی وقت چھوڑنا نہیں چاہتا، ٹینشن کی صورتحال کے بعد فیملی سے آکر ملنا ضروری ہوتا ہے۔
خیال رہے کہ آسٹریلیا کے خلاف سیریز کے بعد بھارتی بورڈ نے فیملیز سے متعلق ہدایات جاری کی تھیں۔ بھارتی بورڈ نے محدود وقت کے لیے فیملیز کو ساتھ رکھنے کی اجازت دینے کا فیصلہ کیا تھا۔
انوشکا شرما اور ویرات کوہلی اپنے بچوں کو کیا کھلاتے ہیں؟ جان کر آپ حیران رہ جائیں گے
بھارتی بورڈ کے فیصلے کے تحت 45 روزہ دورے میں کھلاڑی فیملیز کو 14 روز سے زیادہ ساتھ نہیں رکھ سکیں گے۔
