کراچی کے علاقے گلشن اقبال میں فائرنگ کے واقعے میں ایک شخص جاں بحق جبکہ دو خواتین زخمی ہو گئیں۔ پولیس کے مطابق واقعہ ذاتی رنجش کا شاخسانہ معلوم ہوتا ہے۔
تفصیلات کے مطابق فائرنگ کا واقعہ اس وقت پیش آیا جب مقتول اکرم مسجد سے نماز پڑھ کر باہر نکلا۔ نامعلوم موٹر سائیکل سوار ملزمان نے اس پر دو فائر کیے، جس کے بعد اکرم جان بچانے کے لیے بھاگا، لیکن حملہ آوروں نے دوبارہ فائرنگ کر کے اسے موقع پر ہی ہلاک کردیا۔
پولیس کا کہنا ہے کہ مقتول اکرم پیشے کے لحاظ سے ٹرانسپورٹر تھا اور اس کے خاندان کا ایک اور فرد ماضی میں قتل ہو چکا ہے جس سے بظاہر ذاتی دشمنی کا شبہ پیدا ہوتا ہے۔
کورنگی میں ڈاکوئوں کی فائرنگ سے جاں بحق نوجوان کی ہلاکت کا مقدمہ درج
فائرنگ کے دوران مسجد کے باہر بھیگ مانگنے والی دو خواتین بھی زخمی ہوئیں جنہیں فوری طور پر اسپتال منتقل کر دیا گیا۔
پولیس نے جائے وقوعہ سے شواہد اکٹھے کر کے تفتیش شروع کر دی ہے جبکہ حملہ آوروں کی تلاش جاری ہے۔