کراچی میں ہاکس بے ٹرٹل بیچ کے قریب ہٹ پر بنے سوئمنگ پول میں معمر خاتون ڈوب کر جاں بحق ہو گئیں۔
رپورٹ کے مطابق ماڑی پورتھانے کے علاقے ہاکس بے ٹرٹل بیچ کے قریب ہٹ پربنے سوئمنگ پول میں معمرخاتون ڈوب گئیں جنہیں تشویشناک حالت میں نکال کر قریبی اسپتال منتقل کیا گیا جہاں خاتون کے جاں بحق ہونے کی تصدیق کردی گئی۔
خاتون کی شناخت 53 سالہ نیئر سلطان زوجہ غلام فاروق کے نام سے کی گئی، متوفیہ خاتون سپرہائی وے پرواقع بحریہ ٹاون کی رہائشی تھی۔
سانگھڑ: کپڑے دھوتے تالاب میں ڈوب کر 3 خواتین جاں بحق
اسلام آباد : بارش کے پانی میں ڈوب کر 3 بہن بھائی جاں بحق
ایس ایچ اوماڑی پورچوہدری سلیم کے مطابق متوفیہ خاتون اپنی فیملی کے ہمراہ پکنک کیلیے ہاکس بے ٹرٹل بیچ کے قریب ہٹ پر آئے ہوئے تھے، خاتون کی بیٹے اور بیٹیاں سمندر کنارے گئے ہوئے تھے خاتون ہٹ پرموجود تھی۔
خاتون سوئمنگ پول میں گئیں اورپاوں سلپ ہونے سے ڈوب گئیں، انھوں نے بتایا کہ پولیس نے قانونی کارروائی کے بعد خاتون کی لاش ورثا کے حوالے کردی۔