بھارتی فضائیہ نے 2025 میں بھی پاکستانی فائٹر پائلٹس کے ہاتھوں 1965 کی اپنی رسوائی کی تاریخ دہرائی ہے۔ جس کے بعد پاک فضائیہ کے ایئروائس مارشل اورنگزیب احمد نے پریس بریفنگ کے دوران بھارتی فضائیہ کو ظالمانہ انداز میں ایسا ٹرول کیا کہ سوشل میڈیا پر ان کے چرچے ہوگئے۔
ایئروائس مارشل اورنگزیب نے رافیل کو معدوم شدہ ڈائنوسارز سے تشبیہ دی کیونکہ اس کا کال سائن ”گاڈزیلا“ تھا، اور کہا کہ گاڈزیلا کی طرح بھارتی رافیل بھی اب معدوم ہوچکا۔
ارب پتیوں کی جائیدادیں پاکستانی میزائلوں سے بچانے کیلئے مودی نے امریکا کے پاؤں پکڑے، شیو سینا
اس کے علاوہ انہوں نے اپنی دوسری پریس بریفنگ کی شروعات ہی ”پی اے ایف بمقابلہ آئی اے ایف 6-0“ کے الفاظ سے کی۔
سوشل میڈیا پر ایئروائس مارشل اورنگزیب کے نام سے بھارت کو خوب ٹرول کیا جارہا ہے، یہ بھی کہا گیا کہ بھارت اب دو اورنگزیب سے خوفزدہ ہے۔
ایئر وائس مارشل نے رافیل کی تعریف تو کی لیکن ساتھ ہی بھارتی پائلٹس کو ٹرول کرنا بھی نہ بھولے۔
سوشل میڈیا پر ایک ویڈیو اور وائرل ہوئی جس میں خاتون صحافی نے پریس بریفنگ کے دوران بھارتی خاتون پائلٹ کے پکڑے جانے کے حوالے سے سوال کیا تو ڈی جی آئی ایس پی آر نے اس کی تردید کی۔ لیکن اس دوران ائیر وائس مارشل اپنی معنی خیز مسکراہٹ پر قابو نہ رکھ پائے۔ صرف ہی نہیں بلکہ وائس ایڈمرل رب نواز بھی مسکرا اٹھے۔
بھارتی فوجی افسران نے ڈھکے چھپے الفاظ میں رافیل کی تباہی کا اعتراف کرلیا
یہ تو بات ہوئی بھارتی فضائیہ کی موجودہ ٹرولنگ کی۔ لیکن اگر ماضی پر نظر دوڑائیں تو اس وقت بھی پاک فضائیہ کی حس مزاح بہت اعلیٰ تھی۔
سوشل میڈیا پر 1965 کی جنگ کے دوران بی بی سی کی ایک ویڈیو بھی وائرل ہو رہی ہے، جس میں پاک فضائیہ کے شاہینوں کو جنگ کے خوف سے عاری بھارت کو ٹرول کرتے دکھایا گیا ہے۔
بی بی سی کا نمائندہ ایک پائلٹ سے پوچھتا ہے کہ آپ روسی ساختہ مگ اور ہنٹرز کے پیچھے تھے، ان کا کیا ہوا؟ پاک فضائیہ کے پائلٹ نے ہنستے ہوئے جواب دیا کہ ’وہ چھوٹے پرندوں کی طرح گر رہے تھے‘۔
رپورٹر نے پھر پوچھا کہ بھارتی تو اب تک آپ کو گرا چکے ہیں۔ جس پر انہوں نے طنزیہ جواب دیا، ’جی تین چار بار‘۔ انہوں نے مزید ہنستے ہوئے کہا کہ ’امید ہے وہ مجھے اب اچھی طرح دیکھ لیں گے‘۔
ایک پائلٹ نے کہا، ’بھارتیوں کے ہاتھوں گرنا، مجھے نہیں لگتا کہ یہ ممکن ہے‘۔
پاکستان سے جنگ بندی کے اعلان پر بھارتی سیکرٹری خارجہ غدار قرار، بیٹی کا نمبر لیک کردیا گیا
ایک اور پائلٹ نے برطانوی صحافی کو کہا کہ ’برطانیہ کو اپنے مزید طیارے بھارتیوں کو نہیں دینے چاہئیں، کیونکہ وہ ان طیاروں کی شہرت خراب کر رہے ہیں‘۔ جس پر وہاں کھڑے دیگر پائلٹس اور برطانوی صحافی قہقہے مار کر ہنسنے لگے۔
ایک پائلٹ نے کہا، ’یہ ہتھیار کا کمال نہیں بلکہ ہتھیار چلانے والے کا کمال ہے، اور جذبہ زیادہ اہمیت رکھتا ہے