پاکستان تحریک انصاف کے سینئر رہنما اور سابق وزیر خارجہ شاہ محمود قریشی کو دل میں تکلیف کے باعث لاہور کے پنجاب انسٹیٹیوٹ آف کارڈیالوجی (پی آئی سی) منتقل کر دیا گیا۔ ان کے وکیل رانا مدثر کے مطابق شاہ محمود قریشی کو نماز فجر کے بعد دل میں تکلیف محسوس ہوئی جس پر جیل حکام نے فوری طور پر اُنہیں اسپتال منتقل کیا۔
وکیل نے بتایا کہ پی آئی سی میں شاہ محمود قریشی کے مختلف ٹیسٹ کیے جا رہے ہیں اور اسپیشلسٹ ڈاکٹرز ان کا مکمل معائنہ کر رہے ہیں۔ جیل کے ڈاکٹرز نے ابتدائی طور پر شاہ محمود کا چیک اپ کیا جس کے بعد انہیں اسپیشلائزڈ علاج کے لیے پی آئی سی لایا گیا۔
ہمیں بہت جلد احتجاجی سیاست کرتے ہوئے دیکھیں گے، سلمان اکرم راجہ
چیئرمین پی ٹی آئی بیرسٹر گوہر نے بیک ڈور اور فرنٹ ڈور رابطوں کی تردید کردی
پی ٹی آئی کا عمران خان کی رہائی اور حکومت مخالف بھر پور تحریک چلانے کا فیصلہ
یاد رہے کہ شاہ محمود قریشی مختلف مقدمات کی بنا پر اس وقت جیل میں قید ہیں۔ ان کی صحت سے متعلق مزید معلومات ٹیسٹ رپورٹس کے بعد سامنے آئیں گی۔ وکیل کے مطابق ان کے علاج اور دیکھ بھال کے لیے قانونی ٹیم رابطے میں ہے۔