مودی حکومت نے پاکستان کی دشمنی میں ترکی، اور آذربائیجان کے ساتھ تجارتی وتعلیمی بائیکاٹ شروع کر دیا۔
ذرائع کے مطابق مودی کا جنگی جنون عروج پر آچکا ہے جس کے بعد بھارت نے ترکی اور آذربائیجان پر الزام تراشی اورتجارتی بائیکاٹ مہم کا آغاز کر دیا ہے۔
جنگی جنون وفسطائیت میں مبتلا مودی سرکار ترکی اور آذربائیجان سے سفارتی تعلقات خراب کرنے پرتُل گئی ہے۔
پاک بھارت جنگ پر فیک نیوز واچ ڈاگ کی رپورٹ جاری، بھارت کو ایک اور تھپڑ
ذرائع کا کہنا ہے کہ ترکی اورآذربائیجان کی ”آپریشن بنیان مرصوص“ کی حمایت کرنے پر بھارت سیخ پا ہوگیا ہے جس کے بعد اس نے دونوں ممالک کے ساتھ سفارتی تعلق خراب کرلیے۔
بھارتی تاجروں کی جانب سے ترک اور آذربائیجان کا مکمل بائیکاٹ کا اعلان کر دیا گیا ہے۔
مودی حکومت نے ترک کمپنی ’Çelebi‘ کوجھوٹے سیکیورٹی خدشات کا بہانہ بنا کر آپریٹ کرنے سے روک دیا۔
جبکہ بھارتی ای کامرس پلیٹ فارمز نے ترک کپڑوں کی فروخت بند کر دی، بھارتی فیشن کمپنی Myntra نے عارضی طور پر ترک برانڈز روک دئیے ہیں۔
ترکیہ کیخلاف بائیکاٹ مہم بھارتی فلم انڈسٹری کو بھاری پڑ گئی
اس کے علاوہ بھارتی بائیکاٹ میں ترک سیب اور ماربل کی بھارت میں تجارت شدید متاثر، جواہرات فروشوں کا روایتی ترک زیورات کے فروخت سے انکار، مودی کا تعلیمی اداروں پر جنونی ایجنڈا مسلط، اور ترکی سے تعلیمی روابط منقطع شامل ہیں۔
ذرائع نے مزید بتایا کہ مودی سرکار کے دباؤ پر جے این یو، جامعہ ملی اور اردو یونیورسٹی نے ترکی سے تعلیمی تعلقات منقطع کر دئیے۔ ترک و آذری لوکیشنز پر فلموں کی شوٹنگ ممنوع قرار دے دی گئی جبکہ بھارتی پروڈکشن ہاؤسز کو بھی مودی سرکار کی وارننگ مل گئی، اور کہا گیا کہ قدم رکھا تو بائیکاٹ یقینی بنایا جائے گا۔
ترکیہ اور آذربائیجان کی پاکستان سے یکجہتی پر بھارت سیخ پا، بائیکاٹ مہم شروع
بھارتی گلوکاروں اور فلمی مواد سے پاکستانی فنکاروں کی تصاویر ہٹا کر فلمی صنعت میں بائیکاٹ جاری ہے۔
بی جے پی رہنما نے اعلان کرتے ہوئے کہا کہ ترکی و آذربائیجان سے کاروبار کرنے والی کمپنیوں کا بھی بائیکاٹ ہوگا۔
مودی حکومت متحدہ عرب امارات، ایران و خلیجی ممالک سے درآمدات کی سخت چیکنگ کی جا رہی ہے۔