کراچی شہر میں لوٹ مار کے دوران شہریوں کو قتل کرنے کے واقعات میں اضافہ ہوا ہے ، رواں سال کے 138 روز کے دوران ڈاکوؤں نے 45 افراد کو قتل کیا جبکہ ایک ہفتے کے دوران ڈاکوؤں کی فائرنگ سے 6 افراد جاں بحق ہوگئے۔
تفصیلات کے مطابق شہرقائد میں لوٹ مارکے دوران شہریوں کے قتل کے واقعات میں اضافہ ہوا ہے، رواں سال کے138روزکےدوران ڈاکوؤں نے45 افراد کو قتل کردیا گیا۔ گزشتے ایک ہفتے میں ڈاکوؤں کی فائرنگ سے6 افراد جاں بحق ہوئے۔
رپورٹ کے مطابق جنوری5، فروری 10، مارچ 9، اپریل میں 10شہری قتل ہوئے، رواں ماہ کے دوران ڈاکوؤں نے10 شہریوں کی جان لے لی۔
دو مئی کو زمان ٹاؤن کورنگی میں ڈاکوؤں نے 18 سالہ ثاقب کو قتل کیا، 8 مئی کو سرجانی ٹاؤن میں ڈاکوؤں نے ماموں بھانجے پر گولیاں برسائیں واقعے میں ماموں جاں بحق ہوئے۔
11 مئی کو شارع نورجہاں میں ڈاکوؤں نے موٹر سائیکل چھیننے کے دوران 22 سالہ انس کو قتل کردیا اسی روز شاہ لطیف ٹاؤن میں ڈاکؤوں کی فائرنگ سے 22 سالہ شیراز مارا گیا۔
13 مئی کو پیر آباد اورنگی ٹاؤن میں ڈاکوؤں نے فائرنگ کرکے کاشف کی جان لی، 14 مئی کو گلشن اقبال میں ڈاکوؤں نے فائرنگ کر کے کامران کو قتل کیا۔ 15 مئی لانڈھی 89 میں ڈکیتی مزاحمت کے دوران فائرنگ سے 10 سالہ بچہ امین مارا گیا۔
16مئی کو لانڈھی نمبر چار میں ڈاکوؤں نے شاہ فہد نامی نوجوان کو قتل کیا، کورنگی نمبر تین ڈکیتی مزاحمت پر مؤذن کا بیٹا قتل ہوا، اورنگی ٹاؤن ڈسکو موڑ کے قریب ڈاکوں کی فائرنگ سے 18 سالہ نوجوان عابد مارا گیا۔