پاکستان کرکٹ بورڈ نے بنگلادیش کے خلاف تین ٹی 20 میچز پر مشتمل سیریز کے لیے 16 رکنی قومی اسکواڈ کا اعلان کر دیا ہے۔ ٹیم کی قیادت مڈل آرڈر بلے باز سلمان علی آغا کریں گے۔
اعلان کردہ اسکواڈ میں شاداب خان، ابرار احمد، فہیم اشرف، اور فخر زمان شامل ہیں جبکہ فاسٹ باؤلرز میں حارث رؤف، حسن علی، محمد وسیم جونیئر اور نسیم شاہ کو بھی ٹیم کا حصہ بنایا گیا ہے۔
دیگر کھلاڑیوں میں حسین طلعت، حسن نواز، محمد عرفان، خوشدل شاہ، محمد حارث، صاحبزادہ فرحان اور صائم ایوب شامل ہیں۔ اسکواڈ میں نوجوان اور تجربہ کار کھلاڑیوں کا امتزاج رکھا گیا ہے تاکہ ٹیم کو متوازن رکھا جا سکے۔
پاکستان اور بنگلہ دیش کے درمیان سیریز فائنل، 3 ٹی ٹوئنٹی میچز کھیلنے پر اتفاق
پی سی بی کے مطابق سیریز کے تینوں میچز لاہور کے قذافی اسٹیڈیم میں کھیلے جائیں گے، جہاں شائقین کرکٹ کو دلچسپ مقابلے دیکھنے کو ملیں گے۔
پاکستان اور بنگلہ دیش کے درمیان ٹی ٹوئنٹی سیریز کا شیڈول جاری
یہ سیریز پاکستانی ٹیم کے لیے اہم ثابت ہو سکتی ہے، جہاں نوجوان کھلاڑیوں کو خود کو منوانے کا موقع ملے گا اور مستقبل کے بڑے ٹورنامنٹس کے لیے تیاری کی جا سکے گی۔