بحیرہ عرب میں بننے والا طوفان بھارت سے ٹکرانے کو تیار، کراچی سے کتنا دور ؟

محکمہ موسمیات کے مطابق مشرقی وسطیٰ بحیرہ عرب میں موجود دباؤ کا نظام شدت اختیار کر کے ڈپریشن میں تبدیل ہو چکا ہے۔ اس ڈپریشن کا مرکز 17.1 ڈگری شمالی اور 73.0 ڈگری مشرقی طول بلد پر موجود ہے، جو کراچی سے تقریباً 1058 کلومیٹر جنوب مشرق کی جانب واقع ہے۔

محکمہ موسمیات کے مطابق ڈپریشن مشرق کی جانب بڑھ رہا ہے اور امکان ظاہر کیا جا رہا ہے کہ یہ بھارتی ریاست مہاراشٹرا کے ساحلی علاقے کونکن سے آج دوپہر کے قریب ٹکرا سکتا ہے۔

بحیرہ عرب میں طوفان بننے کا خدشہ، پاکستانی ساحلوں کو کتنا خطرہ؟

محکمہ موسمیات نے واضح کیا ہے کہ فی الوقت پاکستان کے کسی بھی ساحلی علاقے کو اس ڈپریشن سے کوئی خطرہ نہیں ہے۔ تاہم صورتحال پر مسلسل نظر رکھی جا رہی ہے اور کسی بھی ممکنہ تبدیلی کی صورت میں عوام کو بروقت آگاہ کیا جائے گا۔