بھارت کو پاکستان کے خلاف ہر محاذ پر ناکامی اور مسلسل ہزیمت کا سامنا ہے۔ بین الاقوامی سطح پر بھی غیر ملکی ماہرین اب بھارت کے جنگجویانہ عزائم کو بے نقاب کرنے لگے ہیں۔
حال ہی میں بھارتی ٹی وی پروگرام کے دوران ممتاز امریکی پروفیسر کرسٹین فیئر نے بھارت کو آئینہ دکھاتے ہوئے کہا کہ بھارت پاکستان کو ہر ممکن کوشش کے باوجود خوفزدہ نہیں کر سکا۔
پروفیسر کرسٹین فیئر نے کہا کہ ڈیٹرنس کا اندازہ اس ملک کے رویے سے ہوتا ہے جسے دبانے کی کوشش کی جا رہی ہو، اور پاکستان نے کسی بھی موقع پر اپنی پوزیشن ترک نہیں کی۔
انہوں نے واضح کیا کہ بھارت نے بے بنیاد دعوے کرکے خود کو ایک خطرناک صورتحال میں ڈال دیا ہے۔بھارتی میڈیا خاص طور پر جسے وہ فسادی میڈیا کہتی ہیں، نے عوام کو گمراہ کن معلومات فراہم کیں۔
سکھ تنظیم کا عالمی عدالت میں بھارت کے ننکانہ صاحب پر ڈرون حملے کی تحقیقات کا مطالبہ
درحقیقت بھارت نہ صرف پاکستان کو خوفزدہ کرنے میں ناکام رہا بلکہ پاکستان اپنی جگہ پر ڈٹا رہا اور کسی بھی موقع پر پیچھے نہیں ہٹا۔
کرسٹین فیئر کا کہنا تھا کہ تنازعہ بھارت کی توقع سے کہیں زیادہ شدت اختیار کر گیا اور خود بھارت بھی پس پردہ کسی محفوظ راستے کی تلاش میں تھا تاکہ معاملات کو سلجھایا جا سکے۔
کانگرس رہنما نے آپریشن بنیان مرصوص میں بھارت کی عبرتناک شکست تسلیم کرلی
انہوں نے کہا کہ بدقسمتی سے بھارتی میڈیا عوام میں ایسی توقعات پیدا کرتا ہے جو بعد میں عسکری تقاضوں کو جنم دیتی ہیں ،پروفیسر کا کہنا تھا کہ بھارت اور اس کا میڈیا ایک جنگجویانہ رویہ رکھتے ہیں، جو خطے میں کشیدگی کا سبب بنتا ہے۔
بین الاقوامی ماہرین کے ان بیانات سے بھارت کے اندرونی بیانیے کی ساکھ پر سوالات اٹھنے لگے ہیں جبکہ پاکستان کے مؤقف کو عالمی سطح پر پذیرائی حاصل ہو رہی ہے۔