لاہور کے علاقے ڈیفنس اے سے اغوا کی جانے والی خاتون کو 3 بچوں سمیت بازیاب کرا لیا، اغوا میں ملوث خاتون کے سابق شوہرکو گرفتار کرلیا گیا۔
پولیس کے مطابق ڈیفنس اے سے اغوا کی جانے والی خاتون کو 3 بچوں سمیت بازیاب کرا لیا گیا ہے، خاتون کے سابق شوہر ملزم ایوب کو ضلع وہاڑی کی تحصیل لڈن سے گرفتار کیا گیا۔ ملزم نے ساتھیوں کی مدد سے بیوی اور بچوں کو ڈیفینس سے اغواء کیا تھا۔
ڈی آئی جی آپریشنز نے واقع کا نوٹس لے کر اسپیشل ٹیم تشکیل دی تھی ، ایس پی سٹی نے ایس ایچ او ڈیفنس اے کی سربراہی میں ٹیم روانہ کی، جس نے ملزمان کو جدید ٹیکنالوجی کی مدد سے ریکی کر کے گرفتار کیا گیا۔
ترجمان ڈی آئی جی آپریشنز کے مطابق واردات میں استعمال ہونے والی مہران گاڑی نمبرای 6613 بھی برآمد کر لی گئی۔
قبل ازیں مقدمہ مدعی کا کہنا تھا اس کی بہن کو ملزم نے اپنے ساتھیوں کے ساتھ مل کر اغوا کیا، خاتون کو چھ ماہ قبل طلاق ہو گئی تھی۔