بلوچستان کے ضلع تربت کے تحصیل بلیدہ کے علاقے زامران سیرکزہ میں افسوسناک واقعہ پیش آیا، جہاں ایک گاڑی کو ریموٹ کنٹرول بم کے ذریعے نشانہ بنایا گیا۔ علاقائی ذرائع کے مطابق دھماکہ اس وقت ہوا جب گاڑی میں سوار افراد عید کی نماز کی ادائیگی کے لیے قریبی گاؤں گربن جا رہے تھے۔
دھماکے میں سیرکزہ زامران کے رہائشی محمد امین ولد عبدالکریم اور ان کے نوجوان بیٹے نوید امین موقع پر ہی جاں بحق ہو گئے۔ واقعے میں ایک اور شخص بھی شدید زخمی ہوا ہے جس کی تاحال شناخت نہیں ہو سکی۔
عید کے موقع پر پاک فوج کے شہدا کے لواحقین کے جذبات سے بھرپور پیغامات
عینی شاہدین اور مقامی ذرائع کے مطابق حملہ صبح سویرے ایک سنسان مقام پر اس وقت کیا گیا جب متاثرہ خاندان عید کی نماز کے لیے سفر کر رہا تھا۔ بم حملہ انتہائی منصوبہ بندی کے تحت ریموٹ کنٹرول کے ذریعے کیا گیا جس نے نہ صرف قیمتی انسانی جانیں لیں بلکہ علاقے میں خوف و ہراس بھی پھیلا دیا۔
مردان میں گیس سلنڈر دھماکہ، دو منزلہ عمارت منہدم، 6 افراد جاں بحق
واقعے کے بعد سیکیورٹی فورسز نے علاقے کو گھیرے میں لے کر شواہد اکٹھے کرنا شروع کر دیے ہیں جبکہ زخمی شخص کو فوری طور پر قریبی اسپتال منتقل کر دیا گیا ہے۔