چشتیاں میں حاصل پور روڈ پر تیز رفتار مسافر بس نے موٹر سائیکلوں کو کچل دیا، حادثے میں کمسن بچے سمیت 4 افراد جاں بحق ہو گئے۔
تفصیلات کے مطابق چشتیاں میں حاصل پور روڈ پر کٹاریاں چیک پوسٹ کے قریب تیز رفتار مسافر بس نے دو موٹر سائیکلوں کو روند ڈالا۔
حادثے کے نتیجے میں ایک کمسن بچے سمیت چار افراد موقع پر جاں بحق ہو گئے۔ جاں بحق ہونے والوں میں دو خواتین، ایک مرد اور ایک بچہ شامل ہے۔
واقعے کی اطلاع ملتے ہی ریسکیو ٹیمیں فوری طور پر موقع پر پہنچ گئیں اور لاشوں کو قریبی اسپتال منتقل کر دیا۔