جماعت اسلامی نے ایران پر امریکی حملے کے خلاف کل ملک بھر میں یوم احتجاج منانے کا اعلان کردیا۔ امیر جماعت اسلامی حافظ نعیم الرحمن نے تمام ذمہ داران کو ہدایات جاری کردیں۔
امیر جماعت اسلامی حافظ نعیم الرحمان نے امریکی حملے کے خلاف احتجاج کا اعلان کیا اور کہا کہ واشنگٹن کے خلاف پیر کے روز ملک بھر میں احتجاج کیا جائے گا۔ ان کا کہنا تھاکہ امریکا نے فوری یہ جنگ بند نہ کی تو احتجاجی تحریک کو مزید منظم کیا جائے گا۔
اسلام آباد میں امیر جماعت اسلامی حافظ نعیم الرحمان نے خطاب میں کہا کہ ایران کی پوری قوم متحد ہے، صہیونیوں کو اس ظلم کو بند کرنا ہوگا، غزہ میں روزانہ معصوم بچے شہید ہو رہے ہیں۔
انھوں نے کہا کہ ایران کے میزاٸل تل ابیب پہنچ رہے ہیں، اسراٸیل فلسطین پر دہشتگردی کر رہا ہے، نوجواں حق پر چلنے والی تحریکوں کاحصہ بنیں، نوجوان سفیر بن کر پوری دنیا کو امن کا پیغام دیں۔
حافظ نعیم الرحمان نے کہا کہ امریکا نے دنیا کے امن کو تراش کر ایران پر حملے کیے، امریکا کا زوال شروع ہو چکا ہے، حق و سچ کا ساتھ دینے والوں کا نیا اتحاد سامنے آنا چاہیے۔
ان کا کہنا تھا کہ اسراٸیل فلسطین کی نسل کشی کررہا ہے، ہم ایران کو سلام پیش کرتے ہیں۔