امریکی اخبار واشنگٹن پوسٹ نے ایرانی حکام کے درمیان ہونے والی گفتگو کی بنیاد پر یہ دعویٰ کیا ہے کہ امریکی حملوں سے ایران کی جوہری تنصیبات کو خاطر خواہ نقصان نہیں ہوا۔
واشنگٹن پوسٹ کے مطابق امریکی انٹیلی جنس حکام نے سینئر ایرانی حکام کے درمیان ہونے والی بات چیت ریکارڈ کرنے کے بعد کہی ہے، جس کے مطابق امریکی حملوں نے صرف کچھ ماہ تک جوہری پروگرام کو پیچھے کیا ہے۔
ادھر وائٹ ہاؤس کی جانب سے واشنگٹن پوسٹ کی اس رپورٹ کو مسترد کردیا گیا ہے۔
ایران نے یورینیم افزودگی کے خاص مقامات کو دوبارہ فعال کردیا تو نتیجہ کیا ہوگا؟
وائٹ ہاؤس ترجمان کا کہنا ہے کہ نامعلوم ایرانی حکام جانتے ہیں کہ جوہری تنصیبات کو کتنا نقصان پہنچا ہے۔
واضح رہے کہ ایران کی جوہری تنصیبات تباہ ہونے سے متعلق صدر ٹرمپ نے اپنے بیانات میں بارہا اس حملے کو ایران کی جوہری صلاحیت کو مٹی میں دفن کرنےسے تعبیر کیا، جبکہ وزیر دفاع پیٹ ہیگسیتھ نے میڈیا رپورٹس کو مسترد کرتے ہوئے کہا تھا کہ یہ تمام تجزیے ’صدر کی تاریخی کامیابی کو چھپانے کی کوشش‘ ہیں۔
یاد رہے کہ اس سے قبل امریکی خفیہ ایجنسی سی آئی اے کے ڈائریکٹر نے بھی امریکی حملوں میں ایرانی جوہری تنصیبات کو شدید نقصان پہنچنے کا دعویٰ کیا تھا۔