پاکستان نے ایشین جونیئر اسکواش چیمپئن شپ میں 7 میڈلز اپنے نام کر لیے

0 minutes, 0 seconds Read

جنوبی کوریا میں جاری ایشین جونیئر اسکواش چیمپئن شپ میں پاکستانی کھلاڑیوں نے شاندار کارکردگی کا مظاہرہ کرتے ہوئے مجموعی طور پر 7 میڈلز جیت لیے۔ قومی کھلاڑیوں نے نہ صرف مین ایونٹس بلکہ پلیٹ ڈویژن مقابلوں میں بھی ٹائٹلز اپنے نام کیے۔

پاکستان کے انڈر 13 اور انڈر 15 کیٹیگری کے کھلاڑیوں نے فائنلز میں نمایاں کامیابیاں سمیٹیں۔ بوائز انڈر 13 کے فائنل میں پاکستان کے سہیل عدنان نے بھارت کے آیان دھنوکا کو شکست دے کر گولڈ میڈل جیتا۔

جبکہ انڈر 15 کیٹیگری کے فائنل میں لاہور سے تعلق رکھنے والے نعمان خان نے اپنے ہم وطن احمد رایان خلیل کو دلچسپ مقابلے کے بعد ہرا کر ٹائٹل اپنے نام کیا۔

پاکستانی اسکواش ٹیم نے مین ایونٹ میں مجموعی طور پر دو گولڈ، دو سلور اور ایک برانز میڈل حاصل کیا۔ اس کے علاوہ پلیٹ ڈویژن کے مقابلوں میں بھی قومی کھلاڑیوں نے دو ٹائٹلز جیت کر اپنی مہارت کا لوہا منوایا۔

یہ کامیابی ایک بار پھر اس بات کا ثبوت ہے کہ پاکستان اسکواش میں اپنی روایتی برتری کی طرف گامزن ہے، اور نوجوان کھلاڑی بین الاقوامی سطح پر ملک کا نام روشن کر رہے ہیں۔

Similar Posts